இலங்கைக்கு 8 இலட்சத்து 20 ஆயிரம் சுற்றுலாப்பயணிகள் வருகை _

by **முனாஸ் சுலைமான்** Sat 31 Dec 2011 - 5:28

இலங்கைக்கு இவ்வருடம் மாத்திரம் சுமார் எட்டு இலட்சத்து 20 ஆயிரம் வெளிநாட்டு சுற்றுலாப் பயணிகள் வருகை தந்துள்ளனர். இது மிகப்பெரிய வளர்ச்சியாகும் என்று தெரிவித்துள்ள இலங்கை சுற்றுலா ஊக்குவிப்பு பணியகத்தின் முகாமைத்துவ பணிப்பாளர் ரூமி ஜவ்பர், இந்தியா மற்றும் பிரிட்டன் போன்ற நாடுகளிலிருந்தே அநேகமான சுற்றுலாப் பயணிகள் இலங்கைக்கு வருகை தருகின்றனர் என்றும் குறிப்பிட்டார்.

'இவ்வருடத்தை விட 2012 ஆம் ஆண்டில் அநேகமான சுற்றுலாப் பயணிகள் இலங்கைக்கு வருகை தருவார்கள் என்று நம்புகின்றோம். சுற்றுலாப் பயணிகளைக் கவர ஊக்குவிப்பு வேலைத் திட்டங்களையும் முன்னெடுத்துச் செல்கின்றோம்.

2011 ஆம் ஆண்டில் சுற்றுலாத்துறையின் ஊடாக நாட்டுக்கு 850 மில்லியன் அமெரிக்க டொலர்கள் வருமானமாக கிடைத்துள்ளது. அடுத்த வருடம் இந்தத் தொகை மேலும்அதிகரிக்கும் என்ற நம்பிக்கை ஏற்பட்டுள்ளது.

இலங்கை வரும் சுற்றுலாப் பயணி ஒருவர், ஒரு நாளைக்கு 100 டொலர் செலவிடுவதானது எமது நாட்டின் பொருளாதாரக் கட்டமைப்புக்குச் சிறந்த பங்களிப்பை வழங்குகின்றது" என்றும் ரூமி ஜவ்பர் தெரிவித்தார். ___