பலஸ்தீன் - இஸ்ரேல் அமைதிப் பேச்சுவார்த்தை எந்த முன்னேற்றமும் இன்றி முடிவு

by *சம்ஸ் Thu 5 Jan 2012 - 6:24

பலஸ்தீன் - இஸ்ரேல் அமைதிப் பேச்சுவார்த்தை எந்த முன்னேற்றமும் இன்றி முடிவு
ஜோர்தானில் இடம்பெற்ற இஸ்ரேல்- பலஸ்தீன அமைதிப் பேச்சுவார்த்தை எந்த முடிவும் எட்டப்படாமல் முடிவடைந்தது.

ஜோர்தான் தலைநகர் அம்மானில் நேற்று முன்தினம் நடைபெற்ற இந்தப் பேச்சுவார்த்தையில் இஸ்ரேல் தூதுவர் யெட்சக் மொல்கோ மற்றும் பலஸ்தீன அமைதிப் பேச்சாளர் சாயெப் ரெகத் ஆகியோர் சந்தித்து பேச்சுவார்த்தை நடத்தினர்.

இதில் மத்தியகிழக்கு சமாதான தூதுவராக செயற்படும் முன்னாள் பிரிட்டன் பிரதமர் டோனி பிளெயர், ஐ. நா., ஐரோப்பிய ஒன்றியம், ரஷ்யா, அமெரிக்க மத்தியஸ்தர்களும் பங்கேற்றனர்.

எனினும் இந்த பேச்சுவார்த்தை எந்த திருப்புமுனையும் இல்லாமல் தொடர்ந்தது. 2010ஆம் ஆண்டு பலஸ்தீன் ஆக்கிரமிப்பு பகுதிகளில் அமைக்கப்பட்ட யூத குடியிருப்புகள் தொடர்பில் அதிகம் விவாதிக்கப்பட்டது. இரு தரப்பும் எந்த சாதகமான இணக்கப்பாட்டுக்கு வராத நிலையில் இந்தப் பேச்சுவார்த்தை முடிவடைந்தது.

இந்நிலையில் இரு தரப்புப் பேச்சுவார்த் தையும் சாதகமாக முடிவடைந்ததாக ஜோர்தான் வெளியுறவு அமைச்சர் நாஸர் ஜுடா குறிப்பிட்டார். “நேருக்கு நேராக இரு தரப்பும் பேச்சுவார்த்தையில் பங்கேற்றது மிக முக்கிய அம்சமாகும். இந்தப் பேச்சுவார்த்தையை தொடர்வதற்கு நாம் தீர்மானித்துள்ளோம்.

ஜோர்தானில் இந்த பேச்சுவார்த்தை தொடரும்” என ஜோர்தான் வெளியுறவு அமைச்சர் குறிப்பிட்டார்.

இதனிடையே பலஸ்தீனின் காசா பகுதியை ஆளும் ஹமாஸ் அமைப்பு வெளியிட்டுள்ள அறிக்கையில், இஸ்ரேலுடனான அமைதிப்பேச்சு வார்த்தையை தவிர்த்துக்கொள் ளுமாறு பலஸ்தீன் நிர்வாகத்தைக் கேட்டு கொண் டுள்ளது.

இந்தப் பேச்சுவார்த்தை தொடருமானால் அது கொள்கை தோல்வியாக அமையும். இஸ்ரேலு டனான பேச்சுவார்த் தையை தவிர்த்துக் கொள்ளுமாறு ஹமாஸ் அமைப்பு பலஸ்தீன நிர்வாகத் திடம் கேட்டுக்கொள்கிறது.

இவ்வாறான பேச்சுவார்த்தை அரசியல் அபாயத்திற்கு இட்டுச்செல்லும் என்று ஹமாஸ் அமைப்பின் பேச்சாளர் சமி அபு சுஹ்ரி குறிப்பிட்டுள்ளார்.

இஸ்ரேல் ஆக்கிரமிப்பு பகுதிகளில் யூத குடியேற்றங்களை அமைப்பதற்கு எதிர்ப்புத் தெரிவித்து கடந்த 2010 ஆம் ஆண்டு பலஸ்தீன், இஸ்ரேலு டனான அமைதிப் பேச்சுவார்த்தையில் இருந்து விலகிக் கொண்டது. அதற்குப் பின்னர் இரு தரப்பும் நேற்று முன்தினமே முதல் முறையாக நேருக்கு நேர் சந்தித்து பேச்சு வார்த்தை நடத்தியமை குறிப்பிடத்தக்கது.