பலஸ்தீன் எங்கும் நக்பா தினம் அனுஷ்டிப்பு

பலஸ்தீனர் வெளியேற்றப்பட்டதன் 65 ஆவது நக்பா தினம் பலஸ்தீனம் எங்கும் அனுஷ்டிக்கப்பட்டுள்ளது. இதனையொட்டி நேற்று 65 வினாடிகளுக்கு சைரன் ஒலிக்கப்பட்டு ரமல்லா, நப்லுஸ், துல்கரீம், ஜலிகிலியா, வதலகம் மற்றும் ஜெரிகோவில் பாரிய ஆர்ப்பாட்ட பேரணிகள் நடத்தப்பட்டன.

1940ஆம் ஆண்டு இஸ்ரேல் உருவாக்கப்பட்ட போது இடம்பெற்ற யுத்தத்தைத் தொடர்ந்து ஆயிரக்கணக்கான பலஸ்தீனர்கள் தமது வீடுகளில் இருந்து வலுக்கட்டாயமாக வெளியேற்றப்பட்டனர். இந்தத் தினத்தை பலஸ்தீனர்கள் நக்பா அல்லது பேரழிவு தினம் என அழைக்கின்றனர்.

இந்தத் தினத்தையொட்டி ரமல்லா வீதியில் பலஸ்தீனர்கள் தீப்பந்தங்களை ஏந்தி அனுஷ்டித்தனர். அதேபோன்று பலஸ்தீன தேசிய படையில் பான்ட் வாத்தியம் ஒலிக்கப்பட்ட நிகழ்வில் நூற்றுக்கணக்கானோர் ஒன்று கூடினர்.

பலஸ்தீன ஜனாதிபதி மஹ்மூத் அப்பாஸின் உரை தொலைக்காட்சியில் நேற்று முன்தினம் ஒளிபரப்பப்பட்டது. இதில் பலஸ்தீனத்திற்கு சுதந்திர தேசத்தை உரிமை உள்ளது என அப்பாஸ் குறிப்பிட்டார். சர்வதேசத்திற்கு முன் இஸ்ரேல் அரசு சாதகமான நிலையை வெளிப்படுத்த வேண்டும் என்றும் அப்பாஸ் வலியுறுத்தினார்.

“இஸ்ரேல் அரசு சர்வதேசத்துக்கு முன் சாதகமான நிலையை வெளிக்காட்டுவதென்றால் 1993க்கு முன்னராக பலஸ்தீன கைதிகள் மற்றும் சுகவீனமுற்றுள்ள பெண்கள் சிறுவர்களை விடுவிக்க வேண்டும்” என்று அப்பாஸ் தனது உரையில் குறிப்பிட்டார்.

தினகரன்

இவர்களின் விடுதலைக்கு இறைவன் ஒரு விடிவு காலம் வைத்து இருப்பான் அப்போது தான் இவர்களுக்கு விடிவு காலம்

பொறுத்திருந்து பார்ப்போமே