பக்தாத்தில் மேலும் தொடர் குண்டு வெடிப்பு; 14 பேர் பலி

by *சம்ஸ் Wed 11 Jan 2012 - 6:29

ஈராக் தலைநகர் பக்தாதில் நேற்று முன்தினம் இடம்பெற்ற கார்குண்டு தாக்குதல்களில் 14 பேர் கொல்லப்பட்டதோடு 50க்கும் மேற்பட்டோர் காயமடைந்தனர்.

இதில் தலைநகரின் மேற்கு முவாசலாத் பகுதியில் உள்ள ஷியா பள்ளிவாசலுக்கு அருகில் கார் குண்டொன்று வெடித்தது. ஷியா யாத்திரிகர்களை இலக்குவைத்தே இந்த குண்டுத் தாக்குதல் இடம்பெற்றதாக சந்தேகிக்கப்படுகிறது.

அதேபோன்று ஷியா முஸ்லிம்கள் அதிகம் வாழும் வடக்கு பக்தாதின் ஷால் பகுதியில் இரண்டாவது குண்டு வெடித்தது. அத்துடன் பக்தாதுக்கு வெளியில் இடம்பெற்ற சாலையோர குண்டு வெடிப்பில் சிக்கி ஒரு ஷியா யாத்திரிகர் கொல்லப்பட்டார். கடந்த வியாழக்கிழமை இடம்பெற்ற தொடர்ச்சியான குண்டுத் தாக்குதலில் 72 பேர் பலியானமை குறிப்பிடத்தக்கது.

ஈராக்கில் இருந்து அமெரிக்க இராணுவம் வெளியேறியதைத் தொடர்ந்து அங்கு பெரும்பான்மை ஷியா அரசுக்கும், சுன்னி முஸ்லிம்களுக்கும் இடையில் விரிசல் ஏற்பட்டுள்ளது.