பாக். பிரதமர் கிலானிக்கு உச்ச நீதிமன்றம் கண்டனம்; அழைப்பாணை

பாக். பிரதமர் கிலானிக்கு உச்ச நீதிமன்றம் கண்டனம்; அழைப்பாணை
பாகிஸ்தான் பிரதமர் யூசுப் ராசா கிலானி நீதிமன்றத்தை அவமதித்ததாக அந்நாட்டு உச்ச நீதிமன்றம் கண்டன அறிக்கை வெளியிட்டுள்ளது.

பாகிஸ்தான் ஜனாதிபதி ஆசிப் அலி சர்தாரி மீதான ஊழல் குற்றச்சாட்டுகள் தொடர்பில் உரிய நடவடிக்கையெடுக்க தவறியதற்காகவே இந்தக் கண்டன அறிக்கை வெளியிடப்பட்டுள்ளது. அத்துடன் இது தொடர்பாக நேரில் ஆஜராகி வரும் 19ஆம் திகதி விளக்கம் அளிக்குமாறு பிரதமருக்கு உச்ச நீதிமன்றம் அழைப்பாணை விடுத்துள்ளது.

பாகிஸ்தான் இராணுவத்திற்கும், அந்நாட்டு அரசுக்கும் இடையில் முறுகல் நிலவிவரும் நிலையில் உச்ச நீதிமன்றத்தின் இந்த உத்தரவு அங்கு மேலும் குழப்ப நிலையை ஏற்படுத்தியுள்ளது.

பாக். ஜனாதிபதி சர்தாரி மீதான ஊழல் வழக்கு நேற்று 7 பேர் கொண்ட நீதிபதிகள் குழாம் முன் அந்நாட்டு உச்ச நீதிமன்றத்தில் நடைபெற்றது. எனினும் இது தொடர்பான தகவல்களை அரசு நீதிமன்றத்திற்கு வழங்காதது மற்றும் நடவடிக்கை எடுக்காத குற்றச்சாட்டுகள் பிரதமர் கிலானி மீது சுமத்தப்பட்டது.

1990களில் சுவிட்சர்லாந்து நீதி மன்ற த்தில் தொடரப்பட்ட வழக்கில் தற்போதைய ஜனா திபதி ஆசிப் அலி சர்தாரி உட்பட அதிகாரிகள் ஊழலில் ஈடுபட்டதாக குற்றம் சாட்டப்பட்டது. இது தொடர்பாக விசாரணை செய்யும்படி அந்நாட்டு உச்ச நீதிமன்றம் கெடு விதித்தது.

இந்தக்கெடு நேற்றுடன் முடிவடைந்த நிலையில் பிரதமர் இது தொடர்பில் எந்த நடவடிக்கையும் எடுக்கவில்லை. அரசியல் சட்டத்தின்படி ஜனாதிபதிக்கு எதிராக தமக்கு எந்த நடவடிக்கையும் எடுக்க முடியாது என பிரதமர் தரப்பில் கூறப்பட்டது.

இந்நிலையில் இந்த ஊழல் விவாகாரத்திற்கு அரசு நடவடிக்கை எடுக்காதபட்சத்தில் அடுத்த கட்டமாக என்ன நடவடிக்கை எடுப்பது என்பது குறித்து பாகிஸ்தான் உச்ச நீதிமன்றம் ஆலோசித்துவருகிறது.