கருணாநிதி, இளங்கோவன், விஜயகாந் ஆகியோருக்கு நீதிமன்றம் அழைப்பாணை

கருணாநிதி, இளங்கோவன், விஜயகாந் ஆகியோருக்கு நீதிமன்றம் அழைப்பாணை
அவதூறு வழக்குகளில், தி.மு.க. தலைவர் கருணாநிதி, தே.மு.தி.க. தலைவர் விஜயகாந்த், தமிழக காங்கிரஸ் முன்னாள் தலைவர் இளங் கோவன் ஆகியோர், ஏப்ரல் மாதம், நீதிமன்றில் ஆஜராக அழைப்பாணை அனுப்பும்படி, சென்னை, முதன்மை செஷ ன்ஸ் நீதிமன்றம் உத்தரவிட்டு உள்ளது.

வார இதழ் ஒன்றில், தமிழக அமைச்சர்களின் செயல்பாடுகள் குறித்து, கட்டுரை வெளியானது அந்தக் கட்டுரையை சுட்டிக்காட்டி "முரசொலி" பத்திரிகையில், தி.மு.க., தலைவர் கருணாநிதியின் கடிதம் வெளியானது. இதையடுத்து, கருணாநிதி மீது அவதூறு வழக்குகளை ஒவ்வொரு அமைச்சராக சென்னை, முதன்மை செஷன்ஸ் நீதிமன்றில் தாக்கல் செய்து வந்தனர்.

அமைச்சர் நத்தம் விஸ்வநாதன் தாக்கல் செய்த வழக்கில், ஏப். 29ம் திகதி நீதிமன்றில் ஆஜராக, கருணாநிதிக்கு அழைப்பாணை அனுப்பும்படி, நீதிபதி கலையரசன் உத்தரவிட்டார். தே.மு.தி.க., தலைவர் விஜயகாந்த், "கப்டன்" டிவிக்கு அளித்த பேட்டியில், "மக்கள் பணத்தை பாழக்கி, ஜெயலலிதாவின் விளம்பர வெறி; ஒரே நாளில் பல கோடி நாசம்" என, கூறியிருந்தார்.

இதற்காக, விஜயகாந்த் மீது, அவதூறு வழக்கு தொட ரப்பட்டது. இந்த வழக்கில், ஏப், 26ம் திகதி, கோர்ட்டில் ஆஜராக, விஜயகாந்திற்கு அழைப்பாணை அனுப்ப, நீதிபதி கலையரசன் உத்தர விட்டார். தமிழக காங்கிரஸ் கட்சியின், முன்னாள் தலைவர் இளங்கோவன், "புதிய தலைமுறை" தொலைக் காட்சியில் "நேர்பட பேசு" நிகழ்ச்சியில், "உள்கட்டமை ப்பு வசதிகளுக்கு மத்திய அரசு நிதி தந்தும், தமிழகத்தில் பணிகள் நடக்கவில்லை. மாநில அரசு, 12 சதவீதம் கமிஷன் கேட்கிறது" என கூறியிருந்தார் இதற்காக, இளங்கோவன் மீது, அவதூறு வழக்கு தாக்கல் செய்யப்பட்டிருந்தது. இவ் வழக்கில், ஏப். 25ம் திகதி நீதிமன்றில் ஆஜராக, இளங்கோவனுக்கு அழைப் பாணை அனுப்பும்படி நீதிபதி கலையரசன் உத்தரவிட்டார்.