மின்மாற்றியுடன் வாகனம் மோதி விபத்து; வாலிபர் ஸ்தலத்தில் பலி

மின்மாற்றியுடன் வாகனம் மோதி விபத்து; வாலிபர் ஸ்தலத்தில் பலி
சாரதி படுகாயம்; சந்திவெளியில் சம்பவம்
கிண்ணையடி, ஏறாவூர் குறூப் நிருபர்கள்
மட்டக்களப்பு - வாழைச்சேனை பிர தான வீதியில் அமைந்துள்ள சந்திவெளியில் நேற்றுமுன்தினம் நள்ளிரவுக்கு சற்றுப் பின்னர் இடம்பெற்ற வாகன விபத்தில் இஸ்மாயில் முஹம்மது அப்றாஸ் என்ற இளைஞர் ஸ்தலத்திலேயே உயிரிழந்தார்.

கொல்லப்பட்ட இளைஞர் அவ்வாகனத்தில் பயணம் செய்தவராவார். வாகனத்தின் சாரதி படுகாயமடைந்து மிகவும் ஆபத்தான நிலையில் மட்டக்களப்பு போதனா வைத்தியசாலையின் தீவிர சிகிச்சைப் பிரிவில் அனுமதிக்கப் பட்டுள்ளார்.

பொலனறுவை பிரதேசத்திலிருந்து இறைச்சிக்கான கோழிகளை ஏற்றிக் கொண்டு மிக வேகமாக ஏறாவூர் நோக்கிச் சென்று கொண்டிருந்த சிறியரக எல்ப் வாகனம் சந்திவெளி ஏற்றம் என்ற இடத்தில் அமைந்திருந்த மின்மாற்றி மீது மோதியுள்ளது.

நேற்று அதிகாலை 12.30 இற்கும் ஒரு மணிக்கும் இடையில் இவ்விபத்து இடம் பெற்றுள்ளது. மின்மாற்றி மீது வாகனம் மோதியதும் பிரதான வீதியில் அமைந்துள்ள பல கிராமங்களுக்கான மின்விநியோகம் துண்டிக்கப்பட்டது.

நேற்று நண்பகலுக்கிடையில் மின் விநியோகம் வழமைக்குத் திரும்புமென மின்சாரசபை அதிகாரிகள் தெரிவித்தனர்.

மின்மாற்றியைத் தாங்கியிருந்த மின்கம் பங்கள் வீதிக்குக் குறுக்கே சரிந்து வீழ்ந்து கிடந்ததால் அருகே எவருமே அச்சத்தினால் நெருங்கவில்லை. இவ்வீதி ஊடான வாகனப் போக்குவரத்தும் நேற்றுக் காலை துண்டிக்கப்பட்டிருந்தது.

மிக வேகமாக வாகனம் சென்று கொண்டிருந்த போது சாரதியின் தூக்கக் கலக்கத்தினால் இவ்விபத்து ஏற்பட்டிருக்கலா மென சந்தேகிக்கப்படுகிறது. கொல்லப்பட்ட வாலிபர் மீராவோடையைச் சேர்ந்தவரெனத் தெரிவிக்கப்படுகிறது.

உயிரிழந்தவரின் ஜனாஸா ஏறாவூர் ஆதார வைத்திய சாலையில் வைக்கப்பட்டது. திடீர் மரண விசாரணையதிகாரி எம்.எஸ்.எம். நkர் மரண விசாரணைகளை மேற் கொண்டார். ஏறாவூர் பொலிஸார் இது தொடர்பான விசாரணைகளை ஆரம் பித்துள்ளனர். (ஐ-க)