தபால் கட்டணங்கள் ரூ 5 முதல் 12 வரை அதிகரிப்பு

தபால் கட்டணங்கள் ரூ 5 முதல் 12 வரை அதிகரிப்பு
லக்ஷ்மி பரசுராமன்
தபால் முத்தி ரைகளின் விலைகளை மறுசீரமைப்பதற்கு தபால் திணைக்களம் முன்மொழிந்துள்ள யோசனையின்படி ஆகக்குறைந்த தபால் கட்டணமான 5 ரூபா 12 ரூபா முதல் 15 ரூபா வரை அதிகரிக்க முடியுமென தபால் மா அதிபர் எம். கே. பி. திஸாநாயக்க தெரிவித்தார். கட்டண மறுசீரமைப்பினூடாக, இதுவரை பின்பற்றப்படும் வர்த்தக தபால் மற்றும் தனிநபர் தபால் ஆகிய இரு வேறு கட்டண முறைமை மாற்றியமைக்கப் பட்டு, ஒரே கட்டண முறைமையை பாவனைக்கு உட்படுத்த நடவடிக்கை எடுக்கப்படுமெனவும் தபால் மா அதிபர் கூறினார்.

குறிப்பாக கடந்த காலங்களில் தபால் முத்திரைகளில் ஏற்பட்ட விலையதிகரிப்பால் பொதி பரிவர்த்தனையில் எமக்கு ஏற்பட்ட வீழ்ச்சியை ஈடுசெய்யும் வகையிலாக பொது மக்களின் வசதியை கருத்திற்கொண்டதாகவே இக்கட்டண மறுசீரமைப்பு அமையுமெனவும் அவர் சுட்டிக் காட்டினார்.

இதன்படி நாட்டின் ஒவ்வொரு பிர தேசத்திற்கும் ஏற்ற வகையில் தபால் முத்திரைகளின் கட்டணங்கள் கூடி, குறையலாம். இதுவரை இந்தக் கட்டண மறுசீரமைப்பு ஒரு யோசனையாகவே உள்ளது. விரைவில் இது குறித்து தீர ஆராய்ந்து பாராளுமன்றத்திற்கு எமது யோசனையை சமர்பிக்கலாமென முடிவு செய்துள்ளோமெனவும் அவர் தெரிவித்தார்.

இன்று பல தனியார் குரியர் சேவைகள் நடத்தப்படுகின்றன. தனிநபர் வசதி மற்றும் விரைவு ஆகியவற்றை கருத்திற் கொண்டு இன்று பலர் அதனையே நாடுவதை காணமுடிகிறது. இத்தகையதொரு நிலையில் தபால் முத்திரைகளின் விலைக் கட்டணங்களில் மறுசீரமைப்பை ஏற் படுத்தினாலேயொழிய தனியார் குரியர் சேவைகளுடன் தபால் திணைக்களம் முகம் கொடுத்து வரும் போட்டித் தன்மையை ஈடுசெய்ய முடியாது எனவும் தபால் மாஅதிபர் கூறினார்.

இறுதியாக 2007 ஆம் ஆண்டிலேயே கட்டணங்களில் மறுசீரமைப்பு செய்யப் பட்டிருந்தமை குறிப்பிடத்தக்கது.