இன்றைய நாள் தான் உனக்குரியது......!

by **முனாஸ் சுலைமான்** Mon 23 Jan 2012 - 21:07

இன்றைய நாள் தான் உனக்குரியது......!

காலையில் எழுந்துவிட்டால் மாலையை எதிர்பார்க்காதே...!

நீ வாழ்வதற்கு "இன்று" போதும்....

"நேற்று" சென்று விட்டது. "நாளை" இன்னும் வரவில்லை.

இன்றைய நாளின் சூரியன் உனக்கு ஒளியை தந்துவிட்டது.

பகல் உன்னிடம் வந்துவிட்டது.

இதுதான் உனக்குரிய நாள். இது போதும்.

உனது ஆயுள் ஒரு நாள் தான். எனவே,

உனது வாழக்கையை இன்றைய நாளில் அமைத்துக்கொள்.

நீ இன்று பிறந்து, இன்று இறப்பவனை போன்றவன்.

எனவே நேற்றைய கவலையில், துக்கத்தில், சிந்தனையில்

உனது வாழ்க்கையைத் தடுமாறச் செய்துவிடாதே.....!!!

"நாளை"யை எதிர்பார்த்து அந்த பயத்தில், கவலையில்

உனது வாழ்க்கை தடம் மாறிச்செல்ல நீ காரணமாகிவிடாதே...!

இன்றைக்காக மட்டும் உனது முழு கவனத்தையும் செலுத்து.

உனது அக்கரை, முயற்சி, உழைப்பு ஆகிய அனைத்தையும்

இன்றைக்காக மட்டும் பயன்படுத்து.....

முழுமையான இறையச்சத்துடன் தொழுகையை நிறைவேற்று.

குர்ஆனை சிந்தித்து, ஆராயந்து ஓது.

மனதை ஒருமுகப்படுத்தி இறைவனைத் துதி.

என்று நபிகள் நாயகம் அவர்கள் கூறினார்கள்.

**********************************************

"நீங்கள் தொழும் போது

அதுவே உங்களுடைய கடைசி தொழுகையாக இருக்கக்கூடும்

என்று நினைத்து தொழுங்கள்".

நபிமொழி: அஹ்மத்.

*********************************************
உங்களுக்காக தொழகை வைக்கும் முன்,

நீங்கள் தொழுது கொள்ளுங்கள்......

*********************************************