குடியரசு தின விழாவை சீர்குலைக்க தீவிரவாதிகள் சதி: தமிழகம் முழுவதும் பொலிஸார் ‘உஷார்’

குடியரசு தின விழாவை சீர்குலைக்க தீவிரவாதிகள் சதி: தமிழகம் முழுவதும் பொலிஸார் ‘உஷார்’
முன் எச்சரிக்கையாக சென்னையில் 800 பேர் கைது
குடியரசு தின விழாவை சீர்குலைக்க தீவிரவாதிகள் சதித்திட்டம் தீட்டி இருப்ப தாக மத்திய உளவுத்துறை எச்சரித்து இருப்பதால், தமிழ்நாடு முழுவதும் பொலி ஸார் ‘உஷார்’படுத்தப்பட்டு உள்ளனர். முன் னெச்சரிக்கை நடவடிக்கையாக சென்னையில் 800 பேர் கைது செய்யப்பட்டு உள்ளனர்.

குடியரசு தின விழா, வருகிற 26ம் திகதி சிறப்பாக கொண்டாடப்பட இருக்கிறது.

இதையொட்டி தலைநகர் டில்லியில், ராஜ பாதையில் இருந்து செங்கோட்டை வரை அணிவகுப்பும், அலங்கார ஊர்தி களின் ஊர்வலமும் கலை நிகழ்ச்சியும் நடைபெறுகிறது. அத்துடன் வீரதீர செயல் புரிந்தவர்களுக்கு பதக்கம் மற்றும் விருது வழங்கும் நிகழ்ச்சியும் நடைபெறுகிறது.

தமிழக அரசு சாரர்பில் சென்னை மெரினா கடற்கரையில் குடியரசு தின விழா அணிவகுப்பு நடைபெறுகிறது. கடற்கரை காந்தி சிலை அருகே நடக்கும் கோலாகல விழாவில், தேசிய கொடியை கவர்னர் கே. ரோசய்யா ஏற்றி வைக்கிறார். முதலமைச்சர் ஜெயலலிதா, சிறப்பாக பணிபுரிந்த பொலிஸார், வீர தீர செயல் புரிந்தவர்கள் மற்றும் சமூக நல்லிணக்கத்திற்கு பாடுபட்டவர்களுக்கு விருதுகளை வழங்குகிறார்.

விழாவில் கலந்துகொள்ள வரும் கவர்னர் ரோசய்யாவை பொலிஸார் அணி வகுப்பு மரியாதையுடன் அழைத்து வருவார்கள். அதனைத் தொடர்ந்து முப்படைகளின் தென்மாநில தளபதிகள் அவருக்கு அறிமுகம் செய்து வைக்கப்படு வார்கள். பின்னர் தலைமைச் செயலாளர் தேபேந்திரநாத் சாரங்கி, உள்துறை செயலாளர் ரமேஷ்ராம் மிஸ்ரா, பொலிஸ், டி. ஜி. பி. ராமானுஜம், சட்டம் - ஒழுங்கு கூடுதல் டி.ஜி.பி. ஜாரஜ், சென்னை மாநகர பொலிஸ் கமிஷனர் திரிபாதி ஆகியோரை கவர்னருக்கு முதல்- அமைச் சர் ஜெயலலிதா அறிமுகஞ் செய்து வைப்பார். பின்னர் அலங்கார ஊர்திகளின் அணிவகுப்பு மாணவ – மாணவிகளின் கலை நிகழ்ச்சிகள் நடைபெறும்.

நாடு முழுவதும் நடக்க இருக்கும் குடி யரசு தின விழாவை சீர்குலைக்க தீவிர வாதிகள் சதித்திட்டம் தீட்டியிருப்பதாக மத்திய உளவுத்துறைக்கு ரகசிய தகவல் கிடைத்து உள்ளது. இதனால் முக்கிய நகரங்களில் பாதுகாப்பை பலப்படுத்தும்படி அந்தந்த மாநில பொலிஸாருக்கு மத்திய உளவுத்துறை அவசர கடிதம் அனுப்பி இருக்கிறது.

தமிழகத்தில், குறிப்பாக சென்னையில் பாதுகாப்பை பலப்படுத்தும்படியும், பொலிஸார் உஷாராக இருக்கும் படியும் கேட்டுக்கொள்ளப்பட்டு உள்ளனர். அதனைத் தொடர்ந்து தமிழகம் முழுவதும் பாதுகாப்பு பலப்படுத்தப்பட்டு உள்ளது.

சென்னை சென்ரல், எழும்பூர் உள்ளிட்ட ரெயில் நிலையங்களிலும், கோயம்பேடு பஸ் நிலையம், விமானம நிலையம் உள்பட மக்கள் அதிகம் கூடும் இடங்களிலும் தீவிர சோதனைக்கு உத்தரவிடப்பட்டு உள்ளது. சென்னையில் உள்ள தங்கும் விடுதிகள், ஓட்டல்கள் 24 மணி நேரமும் கண்காணிக்கப்பட்டு வருகின்றன.

சென்னையில் பொலிஸார் தீவிர கண் காணிப்பில் ஈடுபட்டு உள்ளனர். தீவிர ரோந்து பணியும் இரவு நேரங்களில் வாகன சோதனையும் நடைபெற்று வருகிறது. விழா நடைபெறும் காந்தி சிலை அருகே கண்காணிப்பு கேமராவும் பொருத்தப்பட்டு உள்ளது. விழா நடைபெறும் நேரத்தில் 3 அடுக்கு பொலிஸ் பாதுகாப்பு போடப் பட இருக்கிறது. விழா நடைபெறும்போது அங்கு சுமார் 2000 பொலிஸார் பாதுகாப் புக்காக குவிக்கப்படுவார்கள்.

சென்னை முழுவதும் கமிஷனர் திரி பாதி, கூடுதல் கமிஷனர் தாமரைக்கண்ணன் ஆகியோர் உத்தரவின் பேரில், அதிரடியாக பொலிஸார் சோதனை வேட்டை நடத் தினார்கள். இதில் சந்தேகத்தின் பேரில் முன் எச்சரிக்கையாக சுமார் 800 பேர் கைது செய்யப்பட்டனர். அதேநேரத்தில், தமிழகத்தில் தலைமறைவாக உள்ள தீவிரவாதிகளை பிடிக்கும் பணியும் முடுக்கிவிடப்பட்டு உள்ளது. சமீபத்தில் மதுரை அருகே அத்வானி செல்லும் வழியில் குண்டு வைத்த வழக்கில் தலைமறைவாக இருக்கும் தீவிரவாதி பொலிஸ் பகுருதீனையும் பிடிக்க பொலிஸார் தீவிரம் காட்டி வருகின்றனர்.