மேலும் இரு பலஸ்தீன எம்.பிக்களை கைது செய்தது இஸ்ரேல்

by *சம்ஸ் Wed 25 Jan 2012 - 6:27

மேலும் இரு பலஸ்தீன எம்.பிக்களை கைது செய்தது இஸ்ரேல்
பலஸ்தீனின் மேலும் இரு பாராளுமன்ற உறுப்பினர்களை இஸ்ரேல் பொலிஸார் கைது செய்துள்ளனர். ஹமாஸ் அமைப்பின் செயற்பாடுகளில் ஈடுபடுவதாக கூறி ஜெரூசலம் நகரில் வைத்து இவர்கள் நேற்று முன்தினம் கைது செய்யப்பட்டனர்.

கடந்த 18 மாதங்களாக சர்வதேச செஞ்சிலுவைச் சங்க கட்டட வளாகத்தி தஞ்சம் புகுந்திருந்த பலஸ்தீன எம்.பிக்களான காலித் அபு அரபா மற்றும் மொஹம்மட் டொடா ஆகியோரை மேற்படி வளாகத்திற்குள் புகுந்த பொலிஸார் கைது செய்து அழைத்துச் சென்றுள்ளனர். இவர்கள் ஜெரூசலத்தில் அனுமதியின்றி வசித்து வந்ததாகவும் இஸ்ரேல் குற்றம் சாட்டியுள்ளது.

ஏற்கனவே கடந்த வாரம் இஸ்ரேல் இரு பலஸ்தீன பாராளுமன்ற உறுப்பினர்களை கைது செய்தது.

அஸிஸ் ட்வைக்கி மற்றும் காலித் டெபாஷ் ட்வைப் ஆகிய எம்.பிக்கள் தீவிரவாத செயல்களில் தொடர்புபட்டதாக குற்றம்சாட்டி கைது செய்யப்பட்டனர். இதன்படி இஸ்ரே லினால் இது வரையில் பலஸ்தீனின் 27 பாரா ளுமன்ற உறுப்பினர்கள் கைது செய்யப்பட்டுள்ள தாக பலஸ்தீன் கைதிகள் தொடர்பான அமைப்பு குறிப்பிட்டுள்ளது.

கடந்த 1967 ஆம் ஆண்டு மத்திய கிழக்கு யுத்தத்திற்கு பின்னர் கிழக்கு ஜெரூசலம் பகுதி இஸ்ரேலின் கட்டுப்பாட்டிலேயே உள்ளது. ஜெரூசலம் பிரிக்கப்படாத தலைநகர் என்று இஸ் ரேல் குறிப்பிட்டுள்ளது. ஆனால் பலஸ்தீன நிர்வாகம் கிழக்கு ஜெரூ சலம் தான் தமது தலைநகர் என குறிப்பிடுகிறது.

இந்நிலையில் கடந்த 2010 ஆம் ஆண்டு ஜூலை மாதம் தொடக்கம் ஹமாஸ் உறுப்பினர்களான அஹமட் அட்டவுன் மற்றும் தற்போது கைது செய்யப்பட்ட அபு அரபாத், டொடா ஆகியோர் கிழக்கு ஜெரூசலத்தில் இருக்கு சர்வதேச செஞ்சிலுவைச் சங்க கட்டடத்தில் தஞ்சம் புகுந்தனர்.

தாம் ஜெரூசலத்தின் குழந்தைகள் என்றும் அங்கிருந்து வெளியேறப் போவதில்லை என்றும் குறிப்பிட்டனர். ஆனால் கடந்த செப்டெம்பர் மாதம் அஹமட் அட்டவுன் கைது செய்யப்பட்டு 70 நாள் சிறைக்கு பின் பலஸ்தீன நிர்வாகத்தின் கட்டுப்பாட்டிலுள்ள மேற்குக்கரைக்கு அனுப்பப்பட்டார். இந்நிலையிலேயே மற்றைய இரு ஹமாஸ் உறுப்பினர்களும் கைது செய்யப்பட்டுள்ளனர்.