இஸ்ரேல் சிறைச்சாலையில் பலஸ்தீன கைதி மரணம்

இஸ்ரேல் சிறைச்சாலையில்
பலஸ்தீன கைதி மரணம்



விசாரணையின் போது மரணமடைந்ததாக குற்றச்சாட்டு
இஸ்ரேல் சிறைச்சாலையில் பலஸ்தீன கைதி ஒருவர் மரணமடைந்துள்ளதாக சிறைச்சாலை பேச்சாளரை
மேற்கோள்காட்டி செய்தி வெளியாகியுள்ளது.
விசாரணைக்காக கைது செய்யப்பட்ட ஒருவரே மரணமடைந்திருப்பதாக கூறியிருக்கும் பலஸ்தீன
நிர்வாகம் சர்வதேச விசாரணைக்கு அழைப்பு விடுத்துள்ளது.
அரபாத் ஐரதாத் என்பவர் ஒரு சில தினங்களுக்கு முன்னர் கைது செய்யப்பட்டார். அவர்
விசாரணையின் போது கொல்லப்பட்டிருக்கிறார் என்று கைதிகள் விவகாரம் தொடர்பான பலஸ்தீன
அமைச்சர் இஸ்ஸா கரதா ஏ. எப். பி. செய்திச் சேவைக்கு கூறியுள்ளார்.
இந்த மரணம் குறித்து சர்வதேச ஆணைக்குழு அமைக்கப்பட வேண்டும் என நாம் அழுத்தம்
கொடுத்துள்ளோம் என்றும் அவர் குறிப்பிட்டார்.
வடக்கு இஸ்ரேலில் இருக்கும் மக்கிடே தடுப்புக் காவல் நிலையத்தில் வைத்து மேற்குக்
கரையின் ஹெப்ரொன் நகரைச் சேர்ந்த ஜராதத் என்ற 30 வயது இளைஞன் மரணமடைந்தார் என்று
இஸ்ரேல் கைதிகள் சேவையின் பேச்சாளர் சிவன் இகிஸ்மன் குறிப்பிட்டார்.
எனினும் ஜராதத் மரணமடையும் முன்னர் அவர் சுகவீனமுற்றிருந்ததாக இஸ்ரேல் உளவுப்
பிரிவைச் சேர்ந்த ஷின் ரெட் குறிப்பிட்டுள்ளார். அவரது உயிரை காக்க மருத்துவர்கள்
போராடியபோதும் அது தோல்வியடைந்ததாகவும் அவர் குறிப்பிட்டார்.
மனிதாபிமானமற்ற முறையில் நடத்தப்படும் இஸ்ரேல் சிறைச்சாலையில் மரணமடைந்த ஜராதத்தின்
மரணம் குறித்து இஸ்ரேல் பொறுப்புக் கூற வேண்டும் என ஹமாஸ் குற்றம் சாட்டியுள்ளது.
ஏற்கனவே இஸ்ரேல் சிறைச்சாலையில் 4 பலஸ்தீன கைதிகள் உண்ணாவிரதப் போராட்டம் நடத்தி ஒரு
வாரத்திற்குள் பலஸ்தீன கைதி ஒருவர் மரணமடைந்திருப்பது அங்கு பதற்றத்தை
அதிகரித்துள்ளது.
இஸ்ரேலிய மனித உரிமை அமைப்பான பிசலமின் தரவுகளின்படி 2012 ஆம் ஆண்டு முடிவடையும்
போது சுமார் 4500 பலஸதீனர்கள் இஸ்ரேல் சிறையில் உள்ளதாக குறிப்பிடப்பட்டுள்ளது.
நன்றி தினகரன்

விவரம் தெரியாமல் இதைப்போல் எத்தனை நடக்கிறதோ?

{)) {)) :!#: