அட்டாளைச்சேனையில் 24 பாடசாலைகள் இருந்தும் ஒரு கூட்ட மண்டபம் இல்லாத அவல நிலை உறுப்பினர் முனாஸ் விசனம்

அட்டாளைச்சேனையில் 24 பாடசாலைகள இருந்தும் ஒரு கூட்ட மண்டபம் இல்லாத அவலத்தை அரசியல் அதிகாரம் கொண்டவர்கள் கண்டு கொள்வார்களா?
(அட்டாளைச்சேனை செய்தியாளர்)
அட்டாளைச்சேனை பிரதேசத்தில் ஒரு தேசிய பாடசாலையும் 4 மகா வித்தியாலயங்களும் அடங்கலாக 24 பாடசாலைகள இருந்தும் கூட எந்த ஒரு பாடசாலையிலும் ஒரு கூட்ட மண்டபம் இல்லாதிருப்பது மிகவும் கவலைக்குரிய விடயமாகும் என்று அட்டாளைச்சேனை பிரதேச சபை உறுப்பினரும் சாரண மாவட்ட உதவி ஆணையாளருமான எஸ்.எல்.முனாஸ் தெரிவித்தார்.


அட்டாளைச்சேனை ஆலம்குளம் றஹ்மானியா வித்தியாலயத்தில் நடைபெற்ற ஏடு தொடக்க விழாவில் கெளரவ அதிதியாக கலந்து கொண்டு உரையாற்றும் போதே அவர் மேற்கண்டவாறு கூறினார்.

பாடசாலை அதிபர் ஏ.முசம்மில் தலமையில் நடைபெற்ற இவ்விழாவில் கிழக்கு மாகாண அமைச்சரும் பதில் முதலமைச்சருமான எம்.எஸ்.உதுமாலெப்பை பிரதம அதிதியாக கலந்து கொண்டார்.

அங்கு உரை நிகழ்த்திய உறுப்பினர் முனாஸ் மேலும் கூறியதாவது;

"அட்டாளைச்சேனை பிரதேசத்தில் இன்று ஒரு தேசிய பாடசாலையும் 4 மஹா வித்தியாலயங்களும் அடங்கலாக 24 பாடசாலைகளும் 556 ஆசிரியர்களும் 10251 மாணவர்களும் உள்ளனர். ஆனால் எந்தப் பாடசாலையிலும் ஒன்று கூடல்களுக்கான கூட்ட மண்டபம் ஒன்று இல்லை.

இத்தனை வளங்கள் இருந்தும் எத்தனை கல்விக் கூடங்கள் இருந்தும் மாணவர்கள் மரங்களின் கீழ் வெயில் மழைகளுக்கு மத்தியில் ஆராதனைக்காகவும் ஒன்று கூடல்களுக்காகவும் நிற்பதனைக் கண்டு நான் வெட்கப்படுவதுடன் மிகவும் கவலையடைகிறேன்.

எத்தனை சேவைதான் செய்தாலும் கல்விக்கு உதவுவது மாபெரும் தர்மங்களில் ஒன்று. எனவே பதவியில் உள்ளவர்கள் அரசியல் அதிகாரங்களில் உள்ளவர்கள் அட்டாளைச்சேனையின் இந்த அவல நிலையினை கொஞ்சம் திரும்பி பாருங்கள். சிறந்த மகான்களை உருவாக்கும் கல்விக் கூடங்களுக்கு உதவி செய்யுங்கள். இன்று 100ஆவது ஆண்டினை கடந்திருக்கும் அட்டாளைச்சேனை தேசிய பாடசாலையின் நிலமையினை நினைக்கும் போது மிகவும் கவலையாக உள்ளது. ஒரு ஒழுங்கான கட்டிடம் இல்லை.

இதற்கான காரணம் என்ன இதனை யாரிடம் சொல்வது? எனவே அரசியல் அதிகாரம் இன்று வரும் நாளை சென்று விடும். ஆனால் அதிகாரத்தில் இருக்கும் போது ஊருக்கானதும் பாடசாலைக்களுக்கானதுமான நல்ல சேவைகளை செய்வதற்கு முன்னிற்குமாறு சம்மந்தப்பட்ட அனைவரிடமும் தயவாய் கேட்டுக்கொள்கிறேன்" என்று வலியுறுத்தினார்.

சிறந்த கருத்தை முன் வைத்து பேசியுள்ளார் வாழ்த்துக்கள்
இறைவன் நாடினால் அனைவருக்கும் உதவும் உள்ளம் வரும் அனைவரும் முன் வந்து இது போன்ற நல்ல சேவைகளை செய்தால் நாடும் செழிக்கும் :];:

:!@!: :flower:

மிக முக்கியமான விடயம் தேவையானவற்றை தேடி அறிவுறுத்தும் உங்களின் பணி சிறக்க இறைவன் துணை புரிவானாக

நண்பன் wrote:சிறந்த கருத்தை முன் வைத்து பேசியுள்ளார் வாழ்த்துக்கள்
இறைவன் நாடினால் அனைவருக்கும் உதவும் உள்ளம் வரும் அனைவரும் முன் வந்து இது போன்ற நல்ல சேவைகளை செய்தால் நாடும் செழிக்கும் :];:

@. @. @.