மனநலம் பாதித்த வாலிபர் பஸ் ஓட்டியதில் 9 பேர் பலி

by *சம்ஸ் Thu 26 Jan 2012 - 6:28

மனநலம் பாதித்த வாலிபர் பஸ் ஓட்டியதில் 9 பேர் பலி
புனே நகரில் நேற்று காலை அரசு பேருந்தை மன நலம் பாதித்த ஒருவர் கடத்திச் சென்று தாறுமாறாக ஓட்டிச் சென்றதில் 9 பேர் பரிதாபமாக உயிரிழந்தனர். 40 வாகங்கள் பெரும் சேதமடைந்தன.

படுகாயமடைந்த 30 பேர் 3 மருத்துவ மனைகளில் அனுமதிக்கப்பட்டுள்ளனர். கிட்டத்தட்ட ஒரு சிரிய போர் போல இந்த காட்சி இருந்தது. இதனால் புனே நகரமே பெரும் பரபரப்பில் மூழ்கியுள்ளது.

நேற்று அதிகாலையில், 30 வயதான சந்தோஷ் மனே என்பவர் ஸ்வார்கேட் பஸ் டிப்போவுக்கு வந்தார். அவர் மன நலம் சரியில்லாதவர் என்று கூறப்படுகிறது. அப்போது ஒரு பஸ் தயார் நிலையில் இருந்தது. ஆனால் ஓட்டுனர் இல்லை. இதையடுத்து அந்த பஸ்சில் ஏறிய சந்தோஷ், எடுத்து ஓட்டத் தொடங்கினார். படு வேகமாக ஓட்டி வந்த அவர் டிப் போவை விட்டு வெளியேறி இஷ்டப்படி ஓட்ட ஆரம்பித்தார். இந்த அதிர்ச்சிகரமான சம்பவத்தில் 9 பேர் கொல்லப்பட்டனர். 30 க்கும் மேற்பட்டோர் காயமடைந்தனர். 40 க்கும் மேற்பட்ட வாகனங்கள் சேதமடைந்தன.