பாமக நிறுவனர் ராமதாஸ் மீது வழக்கு

பாமக நிறுவனர் ராமதாஸ் மீது வழக்கு
உதவிப் பேராசிரியரைத் தாக்கி கொலை மிரட்டல் விடுத்ததாக பாமக நிறுவனர் ராமதாஸ் உட்பட 3 பேர் மீது விழுப்புரம் மாவட்டம் ஒலக்கூர் பொலிஸார் புதன்கிழமை வழக்குப் பதிவு செய்தனர்.

உளுந்தூர் பேட்டையை அடுத்த ஒல்லியம்பாளை யம் கிராமத்தைச் சேர்ந்தவர் மாயகிருஷ்ணன் (30) இவர் திண்டிவனத்தை அடுத்த கோனேரிகுப்பத்தில் வன்னியர் அறக்கட் டளையின் கீழ் இயங்கும் சரஸ்வதி கலை, அறிவியல் கல்லூரியில் உதவிப் பேராசிரியராக பணியாற்றி வருகிறார்.

இவர் மாணவர்களுக்கு இடையே பிரிவினை ஏற்படுத்தும் வகையில் நடந்து கொண்டதாகக் கூறி கல்லூரி நிர்வாகம் அவரைப் பணியில் இரு ந்து விலகும்படி கூறியது. ஆனால் மாயகிருஷ்ணன் பணியில் இருந்து விலக மறுத்துள்ளார்.

இந்நிலையில் புதன் கிழமை இரவு, திண்டி வனம் டி.எஸ்.பி. குப்பு சாமியிடம் மாயகிருஷ்ணன் புகார் மனு அளித்தார் பாமக நிறுவனர் ராமதாஸ், வன்னியர் அறக்கட்ட ளையின் இயக்குநர் ஹரி நாராயணன், அலுவலக உதவியாளர் வெங்கடேசன் ஆகியோர் தன்னை ஆபாசமாகத் திட்டி தாக்கியதுடன், கொலை மிரட்டல் விடுத்ததாகவும் அந்த புகாரில் மாயகிருஷ்ணன் கூறியுள்ளார்.

இதைத் தொடர்ந்து வன்னியர் அறக்கட்டளைத் தலைவரும், பாமக நிறுவனருமான ராமதாஸ் உட்பட 3 பேர் மீது ஒலக்கூர் பொலிஸார் வழக்குப் பதிவு செய்துள்ளனர்.

பேராசிரியர் மீதும் வழக்குப் பதிவு. பாமக நிறுவனர் ராமதாஸ் மீது புகார் அளித்துள்ள உதவிப் பேராசிரியர் மாயகிருஷ்ணன் மீது சரஸ்வதி கலை, அறிவியல் கல்லூரி சார்பில் புதன்கிழமை புகார் மனு அளிக்கப்பட்டது. இதையடுத்து அவர் மீது பொலிஸார் வழக்குப் பதிவு செய்தனர்.

இது குறித்து வன்னியர் அறக்கட்டளை யின் சரஸ்வதி கலை, அறிவியல் கல் லூரியில் பணிபுரியும் மூத்த அதிகாரி மாமல்லன் ஒலக்கூர் காவல் நிலையத்தில் உதவிப் பேராசிரியர் மாயகிருஷ்ணன் மீது புகார் அளித்துள்ளார்.

அதில் “கல்லூரி மாணவர்களிடையே பிரிவினை ஏற்படுத்தும் வகையில் மாயகிருஷ்ணன் நடந்து கொண்டார். அதை அறிந்து நான் அவரிடம் விசாரித்த போது எனக்கு அவர் கொலை மிரட்டல் விடுத்தார்” என்று அந்தப் புகாரில் மாமல்லன் கூறியுள்ளார்.