காத்தான்குடியில் கரை ஒதுங்கிய திமிங்கிலத்தின் தலை ஆய்வு கூடத்தில்

by *சம்ஸ் Tue 31 Jan 2012 - 6:38

காத்தான்குடியில் கரை ஒதுங்கிய திமிங்கிலத்தின் தலை ஆய்வு கூடத்தில்
புதிய காத்தான்குடி தினகரன் நிருபர்
காத்தான்குடி கடற்கரையில் கரை ஒதுங்கிய (29) திமிங்கிலத்தை கரையில் வைத்து வெட்டி அதன் தலையை கொழும்பிலுள்ள தேசிய நீரக ஆராய்ச்சி நிறுவனமான நாரா நிறுவனத்திற்கு திங்கட்கிழமை (30) அனுப்பியுள்ளதாக மட்டக்களப்பு மாவட்ட கடற்றொழில் திணைக்கள உதவி பணிப்பாளர் எஸ். ரி. ஜோர்ஜ் தெரிவித்தார்.

இந்த திமிங்கிலத்தை முழுமையாக நாரா நிறுவனத்திற்கு அனுப்ப முயற்சித்த போதிலும் அது 2000 கிலோவுக்கும் அதிகமான நிறையைக் கொண்டிருந்ததால் அதை முழுமையாக அனுப்ப முடிய வில்லை.

இதனால் அதன் தலையை தவிர ஏனைய பாகங்கள் வெட்டப்பட்டு புதைக் கப்பட்டுள்ளன. இந்த திமிங்கிலத்தின் தலையை மாத்திரம் ஆராய்ச்சிக்காக நாரா நிறுவனத் திற்கு அதன் உத்தியோகத் தர்கள் முலம் கொழும்புக்கு அனுப்பப்பட் டுள்ளதாக ஜோர்ஜ் மேலும் தெரிவித்தார்.

17 அடி நீளமும் 6 அடி அகலமும் கொண்டது இந்தத் திமிங்கிலம்.

ஏற்கனவே பணிச்சாங்கேணி கடற்கரையில் பெரியளவிலான டொல்பின் மீன் ஒன்று கரையொதுங்கியதும் இங்கு குறிப்பிடத்தக்கது என உதவிப்பணிப்பாளர் ஜோர்ஜ் மேலும் தெரிவித்தார்.

இந்த திமிங்கிலத்தை பார்வையிட கிழக்கு மாகாணத்தின் பல பிரதேசங்களிலிருந்தும் தமிழ், சிங்கள, முஸ்லிம் மக்கள் ஆயிரக்கணக்கானோர் சமுகமளித்திருந்தமை குறிப்பிடத்தக்கது.