தன்னினச் சேர்க்கை திருமணத்திற்கு வொஷிங்டன் மாநிலம் அங்கீகாரம்

by *சம்ஸ் Fri 10 Feb 2012 - 8:59

தன்னினச் சேர்க்கை திருமணத்திற்கு வொஷிங்டன் மாநிலம் அங்கீகாரம்
தன்னினச் சேர்க்கையாளர் திருமணத்திற்கு வொஷிங்டன் மாநில செனட் சபை அங்கீகாரம் அளித்துள்ளது. இதன்படி தன்னினச் சேர்க்கையாளர் திருமணத்திற்கு அங்கீகாரம் அளிக்கும் அமெரிக்காவின் 7வது மாநிலமாக வொஷிங்டன் பதிவானது.

இந்த சட்ட மூலம் தொடர்பில் செனட் சபையில் நேற்று முன்தினம் இடம்பெற்ற வாக்கெடுப்பில் ஆதரவாக 55 வாக்குகள் கிடைத்தன. இந்த சட்டமூலத்திற்கு எதிராக 43 வாக்குகள் பதிவாயின.

அமெரிக்காவின் கலிபோர்னியா நீதிமன்றம் தன்னினச் சேர்க்கை திருமணம் சட்ட விரோதமானது என தீர்ப்பளித்து ஒரு தினத்திற்குள் வொஷிங்டன் மாநிலம் அதனை அங்கீகரித்துள்ளமை குறிப்பிடத்தக்கது.

ஏற்கனவே அமெரிக்காவின் நியூயோர்க், நியூ ஹம்ஷயர், மிஸ்ஸி சுஸ்ட், லோவா, வர்மொன்ட், கொன்னக்டிகட் ஆகிய மாநிலங்களில் தன்னினச் சேர்க்கை சட்டபூர்வமாக்கப்பட்டுள்ளமை குறிப்பிடத்தக்கது.

இந்நிலையில் நியூ ஜெர்சி மாநிலத்தில் தன்னினச் சேர்க்கையாளர் திருமணத்தை அங்கீகரிக்கும் சட்டமூலத்தின் மீது அடுத்த வாரம் வாக்கெடுப்பு நடத்தப்படவுள்ளமை குறிப்பிடத்தக்கது.