சிறுபான்மையினரின் இட ஒதுக்கீட்டை உயர்த்துவதாக குர்ஷித் வாக்குறுதி

சிறுபான்மையினரின் இட ஒதுக்கீட்டை உயர்த்துவதாக குர்ஷித் வாக்குறுதி
மத்திய அமைச்சர் சல்மான் குர்ஷித்துக்கு தேர்தல் ஆணையகம் கண்டனம்
சிறுபான்மையினருக்கு இடஒதுக்கீட்டை அதிகரிப்பதாக வாக்குறுதி அளித்ததன் மூலம் மத்திய மந்திரி குர்ஷித் தேர்தல் விதிமுறைகளை மீறிவிட்டதாக தேர்தல் ஆணையகம் கண்டனம் தெரிவித்துள்ளது.

உத்தரபிரதேச சட்ட சபை தேர்தலில் மத்திய சட்ட மந்திரி சல்மான் குர்ஷித்தின் மனைவி லூயிஸ் போட்டியிடுகிறார். அவரை ஆதரித்து சல்மான் குர்ஷித் பிரசாரம் செய்த போது, உ.பி.யில் காங்கிரஸ் ஆட்சிக்கு வந்தால், சிறுபான்மையினர் இடஒதுக்கீடு 4.5 சதவீதத்தில் இருந்து 9 சதவீதமாக உயர்த்தப்படும் என்று வாக்குறுதி அளித்தார்.

‘மத அடிப்படையிலான இந்த வாக்குறுதி, தேர்தல் விதிமுறையை மீறிய செயல்’ என்று தேர்தல் கமிஷனிடம் பா.ஜனதா புகார் அளித்தது. அதன்பேரில் சல்மான் குர்ஷித்துக்கு தேர்தல் கமிஷன் கடந்த மாதம் 10ம் திகதி நோட்டீசு அனுப்பியது.

அதற்கு குர்யித் பதில் அனுப்பி வைத்தார். அதன் அடிப்படையில், அவருடைய வக்கீல் அபிஷேக் சிங்விடமும், பா.ஜனதா வக்கீல் ரவிசங்கர் பிரசாத்திடமும் தேர்தல் கமிஷன் கருத்து கேட்டது.

சல்மான் குர்ஷித், காங்கிரஸ் பிரமுகர் என்ற முறையில் அல்லாமல், மத்திய சட்ட அமைச்சர் என்ற முறையில் மேற்கண்ட வாக்குறுதியை அளித்துள்ளார். எனவே, அவர் தேர்தல் நடத்தை விதிமுறைகளை மீறிவிட்டதாக தேர்தல் கமிஷன் முடிவுக்கு வந்துள்ளது. இதற்காக சல்மான் குர்ஷித்துக்கு கண்டனம் தெரிவித்துக் கொள்கிறோம். எதிர்காலத்தில் இத்தகைய விதிமீறல்களை அவர் செய்ய மாட்டார் என்று நம்புகிறோம்.

தேர்தல் விதிமுறைகளை எழுத்திலும், செயலி லும் கடைபிடிக்க வேண்டிய கூடுதல் பொறுப்பு, மத்திய அமைச்சர் என்ற முறையில் சல்மான் குர் ஷித்துக்கு இருக்கிறது. அவர் இப்படி பேசியது, ஆழ்ந்த வேதனையையும் ஏமாற்றத்தையும் அளிக்கிறது.