இலங்கையை இரண்டாக உடைக்க புலிகளுக்கு அனைத்து உதவிகளையும் வழங்கியது அமெரிக்காவே

இந்தியாவின் முன்னாள் பிரதமர் ராஜிவ் காந்தியை விடுதலைப் புலிகள் கொலை செய்வதற்கு பின்புலமாக இருந்து செயல்பட்டது அமெரிக்காவே என அமைச்சர் விமல் வீரவன்ச தெரிவித்தார்.

பத்தரமுல்லையில் உள்ள கட்சி அலுவலகத்தில் நடைபெற்ற வைபவத்திலேயே அமைச்சர் விமல் வீரவன்ச மேற்கண்டவாறு தெரிவித்தார்.

"ஐக்கிய நாடுகள் மணித உரிமை அமைப்புக்கு இலங்கை பற்றி அழுத்தம் கொடுப்பதற்கு பின்புலமாக இருப்பதும் அமேரிக்கர்களே. விடுதலைப் புலிகளின் சகல நாசகார வேலைகளுக்கும் பணம் மற்றும் ஆயுத விற்பனைகள் தொட்டு சகல உதவிகள் வழங்கிய வரிசையில் அமேரிக்காவும் உள்ளது. தற்பொழுது விடுதலைப் புலிகளை இலங்கை ஐனாதிபதியும் இரானுவமும் அழித்தொழித்ததனால் மிகவும் நஸ்டமைந்துள்ள நாடு அமேரிக்காவாகும்.

பிராபகரனைப் பாவித்து இந்த நாட்டிலும் இந்தியா போன்ற நாடுகளிலும் தமது அழுத்தத்தைப் பிரயோகித்து வந்த நாடு அமேரிக்காவாகும். பிரபகரன் ஊடாக இலங்கையில் பாரிய யுத்தத்தை ஏற்படுத்தி அந்த நாட்டை இரண்டாகப் பிரித்தும் அதனுடாக இந்தியாவிற்கும் பிரச்சினைகளை உருவாக்குவதற்கே அமேரிக்கா திட்டம் வகுத்து இருந்தது. அதற்காக ஆயுதம் மற்றும் மேலைத்தேய நாடுகள் ஊடாக பிராபகரனுக்கு மறைமுகமாக உதவி வழங்கி வந்தது.

ஜக்கிய நாடுகள் ஊடாக சில அதிகாரிகளை ஒப்பந்தப் அடிப்படையில் நியமித்து அவர்களுக்கு அமேரிக்கா வழங்கும் நிகழ்ச்சி நிரல்களை இலங்கைக்கு அழுத்தம் கொடுப்பதற்கு செயல்படுகின்றது. நீங்கள் மிக விரைவில் யுத்தத்தை ஒழித்துக் கட்டி விட்டீர்களா? நான் உங்களுக்கு நல்ல பாடம் படிப்பிக்கின்றேன் என அமேரிக்கா செயல்படுகின்றது" என்றும் அமைச்சர் விமல் வீரவன்ச குறிப்பிட்டார்.

இதில் பாதி உண்மை இருக்கலாம் ஏனெனில் இன்று உலக குழப்பங்கள் யாவற்றுக்கும் பின்னணியில் இருக்கும் ஒரே நாடு அமெரிக்காதான் .இவர்கள் ஒடுக்கப்படும்வரை உலக குழப்பங்கள் குறையாது