விண்வெளியில் மிதந்து வரும் குப்பைகளை சுத்தம் செய்யும் செயற்கைகோள் கண்டுபிடிப்பு: சுவிஸ் சாதனை

வானில் செயலிழந்து போன செயற்கைகோள்கள் விண்வெளியில் குப்பைகளாக மிதந்துவருவதால் அவற்றைச் சுத்தப்படுத்த புதியதோர் செயற்கைக்கோளை சுவிஸ் விஞ்ஞானிகள் தயாரித்துள்ளனர்.
இந்தச் சிறிய செயற்கைகோள் பல கைகளுடன் கூடிய ஜெல்லி மீன் போலத் தோற்றம் தரும். அதே சமயம் தலைக்கு மேலுள்ள அதன் பாதையின் மிதந்துவரும் குப்பைகளைத் திரட்டி, விண்வெளியை தூய்மையாக மாற்றிவிடும்.

லாசானேயில் உள்ள EPFL என்ற மத்திய தொழில்நுட்ப மையம் Clean Space One என்ற மத்திய செயற்கைகோளை தயாரிப்பதற்கு 10 மில்லியன் சுவிஸ் பிராங்கை செலவு செய்யத் திட்டமிட்டுள்ளது.

எதிர்வரும் 2016ம் ஆண்டில் இந்தச் செயற்கைகோள் வெற்றிகரமாக விண்ணில் பறக்க வாய்ப்புள்ளது. விண்வெளிக் குப்பைகளை அகற்ற நாம் உடனடியாக ஏதாவது செய்தாக வேண்டும் என்று EPFL பேராசிரியரும், சுவிஸ் நாட்டின் வானவியல் அறிஞருமான கிளாடே நிக்கோலியர் புதன்கிழமையன்று லாசனேலில் நடந்த பத்திரிக்கையாளர் கூட்டத்தில் தெரிவித்தார்.

இரண்டாண்டுகள் முயற்சி செய்த பின்பே இந்தப் புதிய செயற்கோளின் முன்னோடி வடிவமைப்பு உறுதிசெய்யப்படும். சுத்தப்படுத்துவதோடு இதன் பணி முடிவடையாது. இது விண்வெளியில் சுற்றிவரும் இரண்டு சுவிஸ் செயற்கைகோள்களில், சுவிஸ் கியூப் / TIsat என்ற செயற்கைகோளின் பாதையையும் மாற்றிவிடும்.

ஜேர்மனி, ரஷ்யா, ஐரொப்பா நாடுகளும் மற்றும் நாசாவும் சர்வதேச விண்வெளிக் குப்பை பற்றி ஆலோசித்து வந்தபோதும் இதற்கான தீர்வை முதலில் எடுத்துரைத்தது சுவிட்சர்லாந்துதான் என்பது குறிப்பிடத்தக்கது.

எல்லாத்துக்கும் எல்லாம் கண்டு பிடிங்க ஆனால் கசடுபிடித்த மனிதனின் மனதை கழுவ ஒரு வைரஸ் கண்டு பிடிக்க சொல்லுங்களேன்