செல்போன் ஸ்டன் கன் ஊடுருவல் : இங்கிலாந்து போலீஸ் அதிர்ச்சி...!!!!

லண்டன்: அதிக மின்சாரத்தை பாய்ச்சி ஆட்களை நினைவிழக்க செய்யும் செல்போன் வடிவிலான ஸ்டன் கன்கள் இங்கிலாந்தில் ஊடுருவி உள்ளன.

இதனால்
போலீசார் அதிர்ச்சி அடைந்துள்ளனர். கட்டுக்கடங்காத கலவரங்கள், வன்முறைகளை
அடக்கவும், போராட்ட கும்பலை விரட்டி அடிக்கவும், சில நாடுகளில் ஸ்டன் கன்
பயன்படுத்துகின்றனர்.

துப்பாக்கி போன்றே இருக்கும் இந்த கருவி
பேட்டரியில் இயங்க கூடியது. இதை இயக்கினால், எதிராளி மீது அதிக வோல்டேஜ்
மின்சாரம் பாயும். அதில் அவர் மயக்கம் அடைவார்.

இதுபோன்ற ஸ்டன்
கன்கள் சீனாவில் இருந்து இங்கிலாந்துக்குள் ஆயிரக்கணக்கில் ஊடுருவி உள்ளது
கண்டுபிடிக்கப்பட்டது. அதுவும் செல்போன் வடிவில் ஸ்டன் கன்கள் ஊடுருவி
இருப்பதால் போலீசார் அதிர்ச்சி அடைந்துள்ளனர். இதுகுறித்து லண்டன் போலீசார்
கூறியதாவது: அதிக வோல்டேஜ் பாயும் ஸ்டன் கன்கள் இப்போது இங்கிலாந்துக்குள்
ஊடுருவி உள்ளன.

இவை பிரபல செல்போன் தயாரிப்பு கம்பெனி பெயரில்
சீனாவில் தயாரிக்கப்பட்டுள்ளது. சுமார் 10 ஆயிரத்துக்கும் மேற்பட்ட ஸ்டன்
கன்கள் இங்கிலாந்துக்குள் ஊடுருவி இருக்கின்றன. செல்போனை பயன்படுத்துவது
போலவே ஒரு பட்டனை அழுத்தினால், எதிராளி மீது மின்சாரத்தை பாய்ச்சும்.
இதன்மூலம் எதிரில் நிற்பவருக்கு மாரடைப்பு கூட வரலாம்.

இந்த வகை
ஸ்டன் கன்கள் துர்ஹாம் பகுதியில் உள்ள சிறையில் சமீபத்தில் பறிமுதல்
செய்யப்பட்டது. அத்துடன் மான்செஸ்டர் மற்றும் கிளாஸ்கோ விமான நிலையம்,
லண்டன் போஸ்ட் ஆபீசில், இங்கிலாந்து பாதுகாப்பு படையினர் ஏராளமான செல்போன்
ஸ்டன் கன்களை பறிமுதல் செய்துள்ளனர். ஸ்டன் கன்களுக்கு இங்கிலாந்தில் தடை
உள்ளது. எனினும், இன்டர்நெட்டில் ரூ.1500 விலையில் விற்பனைக்கு வந்துள்ளது.
இதை ஆயுதமாக பயன்படுத்த வாய்ப்புள்ளது. இதுகுறித்து மக்களுக்கு எச்சரிக்கை
விடப்பட்டுள்ளது. செல்போன் வடிவில் ஸ்டன் கன் வைத்திருப்பது
கண்டுபிடிக்கப்பட்டால், அவர்களுக்கு 10 ஆண்டு சிறை தண்டனை விதிக்கப்படும்.

அதிர்ச்சி தகவல் பகிர்விற்கு நன்றி