யாழில் மோட்டார் சைக்கிள் சாகசம்...

சர்வதேச புகழ்பெற்ற மோட்டார் சைக்கிள் சாதனை வீரரான கிறிஸ் பீஃவிஃபர் - யாழ். துரையப்பா விளையாட்டு அரங்கிற்கு அருகில் தனது சாதனையினை இன்று வியாழக்கிழமை மாலை நிகழ்த்தினார்.
ரெட்புள் உற்சாக பானத்தின் அனுசரணையில் இன்று யாழ்ப்பாணத்தில் நடைபெற்ற மிக உச்சாகமூட்டும் இவரின் மோட்டார் சைக்கிள் சாதனையினைக் காண்பதற்கு யாழ்ப்பாணத்து மக்கள் அணியளியாக திரண்டு இருந்தனர்.
தனது சாதனையினை நிகழ்த்துவதற்கு முன்னர் ஊடகவியலாளர்களுக்கு கிறிஸ் கருத்து தெரிவிக்கையில்...

'யாழ்ப்பாணத்தின் உணவுவகைகள் எனக்கு ரொம்ம பிடித்திருக்கு. நான் விரும்பி சாப்பிட்டேன். அதுமட்டுமல்லாமல் யாழ்ப்பாணத்தில் உள்ள கோயில்களும் மிக அழகாக இருக்கின்றன. அக்கோயில்களுக்கு சென்று வழிபட்டேன். மனதுக்கு மிகவும் சாந்தமாக இருக்கிறது. யாழில் இருப்பது எனக்கு மிகவும் மகிழ்ச்சியாக இருக்கிறது. ஏனென்றால் மிகவும் சிறிய எல்லைப் பரப்புக்குள் நின்று எனது சாதனையை நிகழ்த்தவுள்ளேன்.

யாழ்ப்பாண சிறுவர்கள், இளைஞர்கள் என்னைவிட எனது மோட்டர் சைக்கிளையே அதிகம் விரும்புவார்கள் என நான் நினைக்கின்றேன்' என்றார்.

இச்சாதனை நிகழ்வில் வடமாகாண ஆளுநர் ஜி.ஏ.சந்திரசிறி மற்றும் பொலிஸ் உத்தியோகத்தர்கள் பலரும் கலந்துகொண்டிருந்தனர்.