தங்கையை சீரழித்த நண்பன் கழுத்து அறுத்து கொலை பழிதீர்த்த அண்ணன் போலீசில் சரண்

by **mufees** Thu 12 Apr 2012 - 20:56

தங்கையை மானபங்கப்படுத்திய நண்பனை கழுத்தை அறுத்து கொன்றதுடன் மர்ம உறுப்பிலும் கத்தியால் குத்திய அண்ணன், போலீசில் சரணடைந்தார். மும்பையில் பரபரப்பை ஏற்படுத்திய இந்த சம்பவம் பற்றி போலீஸ் தரப்பில் கூறியதாவது:

மும்பை காட்கோபர் பகுதியில் தனது தாய், தங்கையுடன் வசிப்பவர் கண்ணன் பிள்ளை (38). இவரது நண்பர் கோவிந்தன். தனியாக வசித்துவந்த கோவிந்தனை தனது வீட்டிலேயே தங்கும்படி கண்ணன் கூறினார். கடந்த 5 ஆண்டாக ஒன்றாக தங்கி இருவரும் வியாபாரம் செய்து வந்தனர்.

இந்நிலையில் நேற்று முன்தினம் கண்ணனின் தங்கை மருத்துவமனையில் சிகிச்சை பெற்று வீடு திரும்பினார். அவரிடம், ‘என்ன நடந்தது?’ என்று தாய் விசாரித்தபோது முதலில் ‘ஒன்றுமில்லை’ என்று கூறி மழுப்பினார். பின்னர் உண்மையை கூறினார். ‘கோவிந்தன் தன்னை காதலிப்பதாக கூறி வீட்டில் யாருமில்லாத சமயத்தில் கடந்த ஒரு மாதத்தில் மட்டும் 4 முறை பலாத்காரம் செய்தார். அப்போது மர்ம உறுப்புகளில் காயம் ஏற்பட்டது. அதற்கு சிகிச்சை பெற்றேன்’ என்றார். அதிர்ச்சி அடைந்த தாய் இந்த சம்பவத்தை மகன் கண்ணனிடம் கூறினார்.

தங்கையை நண்பனே மானபங்கப்படுத்தியதை கேட்டு ஆத்திரம் அடைந்தார் கண்ணன். எப்படியாவது அவரை பழிவாங்க நேரம் பார்த்து கொண்டிருந்தார். நேற்று முன்தினம் இரவு கோவிந்தனிடம் நைசாக பேச்சு கொடுத்த கண்ணன், ‘தண்ணி அடிக்கலாம்.. வா..’ என்று கூறி வெளியில் அழைத்துச் சென்றார்.

கையோடு கத்தி ஒன்றையும் எடுத்து மறைத்து கொண்டார். காமராஜ் நகர் பகுதியில் ஆட்டோ ரிக்ஷாக்கள் நிறுத்தும் தனிமையான இடம் ஒன்றுக்கு அவரை அழைத்துச் சென்றார். இருவரும் விடிய விடிய குடித்தனர். கோவிந்தனுக்கு போதை ஏறியதும், அவரை வம்புக்கு இழுத்த கண்ணன், ‘ஏன்டா.. இப்படி பண்ணினாய்.. தங்கச்சி வாழ்க்கையில வெளையாடிட்டியே..?’ என்று சட்டையை பிடித்து உலுக்கினார். அதற்கு கோவிந்தன், ‘அவள கைவிட மாட்டேன். உயிருக்குயிரா காதலிக்கிறேன்’ என்றார். ‘அவள ஏமாத்திட்டு நடிக்கிறியா?’ என்றபடி கத்தியை எடுத்து கோவிந்தன் கழுத்தில் சரமாரியாக பாய்ச்சினார். துடிதுடித்து விழுந்த கோவிந்தனின் மர்ம உறுப்பிலும் கத்தியால் குத்தினார். பின்னர், காமராஜ் நகர் போலீஸ் நிலையத்தில் அதிகாலை 4.15 மணிக்கு சென்று சரண் அடைந்தார்.

அவரை போலீசார் கைது செய்து கொலை வழக்கு பதிவு செய்து விசாரித்து வருகின்றனர். இன்று அவரை கோர்ட்டில் ஆஜர்படுத்தி சிறையில் அடைக்கின்றனர்.