சவுதி அரேபியாவில் பெண்கள் ஸ்போர்ட்ஸ் கிளப்புக்கு தடை நீக்கம் April 29th, 2012 அன்று பிரசுரிக்கப்பட்ட

சவுதி அரேபியாவில் பெண்கள் ஸ்போர்ட்ஸ் கிளப் நடத்த அனுமதி வழங்குவது குறித்து பரிசீலிக்க அமைச்சர்கள் குழு அமைக்கப்பட்டுள்ளது.

சவுதி அரேபியாவில் பெண்கள் தனியாக வெளியில் செல்ல கூடாது, கார் ஓட்ட கூடாது, தேர்தலில் நிற்க கூடாது போன்ற கட்டுப்பாடுகள் விதிக்கப்பட்டுள்ளன. இதை எதிர்த்து பெண் உரிமை அமைப்புகள் போராட்டம் நடத்தி வருகின்றன. மேலும், சவுதி அரசு பள்ளிகளில் மாணவிகள் விளையாட்டுகளில் ஈடுபட தடை உள்ளது.

விளையாட்டு வகுப்புகளும் இங்கு இல்லை. ஆனால், தனியார் நடத்தும் பள்ளிகளில் விளையாட்டுக்கென சிறப்பு வகுப்புகள் உள்ளன. லண்டனில் வரும் ஜூலையில் நடக்க உள்ள ஒலிம்பிக் போட்டிகளில், ஓட்ட பந்தயங்களில் பங்கேற்கவும் சவுதி பெண்களுக்கு தடை விதிக்கப்பட்டுள்ளது.

இந்நிலையில், பெண்கள் ஸ்போர்ட்ஸ் கிளப்புக்கு விதிக்கப்பட்டுள்ள தடையை நீக்குவது குறித்து பரிசீலிக்க அமைச்சர்கள் குழு அமைக்கப்பட்டுள்ளது. இதுகுறித்து சவுதி விளையாட்டு மற்றும் இளைஞர் நலத்துறை தலைவர் அப்துல்லா அல்ஜமீல் கூறுகையில், பெண்கள் ஸ்போர்ட்ஸ் கிளப் தொடர்பாக நிலவும் குழப்பத்தை போக்க குழு அமைக்கப்பட்டுள்ளது.

இந்த குழு, பெண்கள் கிளப் நடத்தம் வழிமுறைகள் குறித்து ஆராயும் என்றார். எனினும், பெண்கள் விளையாட்டில் ஈடுபடக் கூடாது, ஜிம்களில் உடற்பயிற்சி செய்ய கூடாது. அப்படி செய்தால், அவர்களுடைய கன்னி தன்மை பாதிக்கும் என்று ஒரு தரப்பினர் எதிர்ப்பும் தெரிவித்து வருகின்றனர்.

:!+: