ஆப்கானில் குண்டுவெடிப்பு: உயிர் தப்பினார் ஒபாமா! May 2nd, 2012 அன்று பிரசுரிக்கப்பட்டது.

நேற்றிரவு அமெரிக்கா ஜனாதிபதி பராக் ஒபாமா ரகசியமாகஆப்கானிஸ்தான் வந்து சென்ற சில மணி நேரங்களில் மூன்று இடங்களில் குண்டுகள் வெடித்தன.இன்று அதிகாலை தலைநகர் காபூல் வந்தடைந்த ஒபாமா, பக்ராம் விமானப் படை மையத்தில் அமெரிக்க வீரர்களை சந்தித்தார்.பின்னர் ஆப்கானிஸ்தான் ஜனாதிபதி ஹமீத் கர்சாயுடன் ஆலோசனை நடத்தினார். இதைத் தொடர்ந்து இரு நாடுகளும் பாதுகாப்பு ஒப்பந்தத்தில் கையெழுத்திட்டன.
இதைத்தொடர்ந்து அங்கிருந்தபடியே அமெரிக்க மக்களுக்கு தொலைக்காட்சியில் உரையாற்றினார். ஒபாமா, தனதுரையில் கடந்த 8 ஆண்டுகளாக அல் கொய்தாவையும் தலிபான்களையும் எதிர்த்து போரிட்டு வந்தோம்.இதில் கடந்த 3 ஆண்டுகளில் அவர்களை தோற்கடித்துக் காட்டியுள்ளோம். மேலும் இவ்வமைப்புகள் மீண்டும் உருவெடுக்காமல் தடுப்பதிலும் விரைவில் முழு வெற்றியை ஈட்டவுள்ள சவாலான பணியை மேற்கொள்ளவுள்ளதாகவும் தெரிவித்தார்.



தற்போது அல் கொய்தா மற்றும் தலிபானைச் சேர்ந்த 30 மிக முக்கிய தலைவர்களில் 20 பேரை கொலை செய்து செய்துவிட்டோம்.இந்தப் போர் நாம் நினைத்ததை விட நீண்ட காலம் தொடர்ந்துவிட்டது. விரைவில் ஆப்கானிஸ்தானின் முழுப் பாதுகாப்பையும் அந்நாட்டு படைகளே மேற்கொள்ளவுள்ளன.

அவர்களுக்கு வேண்டிய அனைத்து உதவிகளையும் அமெரிக்காவும் நேட்டோ நாடுகளும் செய்யும் என்றார்.

தலிபான்களுடன் பேச்சுவார்த்தை: நான் போர் மூலம் மட்டுமல்லாமல் பேச்சுவார்த்தை மூலமும் தீவிரவாதத்தை ஒழிக்க முயற்சி மேற்கொண்டுள்ளேன். தலிபான்களுடன் நேரடியாக பேச்சு நடத்தியுள்ளோம். அல் கொய்தாவுடன் தொடர்பை துண்டித்துக் கொள்ளுமாறு அவர்களிடம் கூறியுள்ளோம்.

இதற்கு பல தலிபான் தலைவர்கள் ஒப்புக் கொண்டுவிட்டனர். இந்த அமைதிக் கரத்தை கைப்பற்றாத தலிபான்கள் அமெரிக்கா மற்றும் ஆப்கானிஸ்தான் பாதுகாப்புப் படைகளின் தாக்குதலுக்கு உள்ளாவார்கள் என்றும் ஒபாமா எச்சரிக்கை விடுத்தார்.

குண்டுவெடிப்பு: ஒபாமா இந்த உரையை ஆற்றிவிட்டு அமெரிக்காவுக்குப் புறப்பட்ட அடுத்த சில மணி நேரங்களில் காபூலில் 3 இடங்களில் அடுத்தடுத்து குண்டுகள் வெடித்தன. இதில் 6 பேர் பலியாகியுள்ளதாக முதல் கட்ட தகவல்கள் தெரிவிக்கின்றன.

எதிர்வரும் 2014ம் ஆண்டில் அமெரிக்கா தலைமையிலான நேட்டோ படைகள் முழுவதும் ஆப்கானிஸ்தானில் இருந்து வெளியேறவுள்ளன என்பது குறிப்பிடத்தக்கது.isit_001-276x300.jpg[/img]