முதலையை துன்புறுத்தியதால் தட்டிக் கேட்ட வன ஊழியரை அடித்துக் கொன்ற சுற்றுலா பயணிகள்

May 10th, 2012 அன்று பிரசுரிக்கப்பட்டது.

கர்நாடகாவில் சுற்றுலா பயணிகள் சிலர் வன ஊழியரை அடித்து கொலை செய்தனர். கர்நாடக மாநிலம் கார்வார் நகரில் இருந்த 180 கி.மீ. தொலைவில் டான்டெலி சுற்றுலா தளம் உள்ளது.

இங்கு ஓடும் கலி ஆற்றில் நிறைய முதலைகள் வாழ்கின்றன. முதலைகளை பார்ப்பதற்காகவே, பல்வேறு பகுதிகளில் இருந்து ஏராளமானோர் இங்கு வருவர். நேற்று டான்டெலி முனிசிபாலிடி ஊழியர் அரவிந்த் சவான், அவரது மனைவி ஷைலஜா மற்றும் 14 பேர் கொண்ட சுற்றுலா பயணிகள் முதலைகளை பார்ப்பதற்காக கலி ஆற்றுக்கு வந்தனர்.

முதலைகளை கரைக்கு வரவழைப்பதற்காக அவர்கள் தங்களுடன் கொண்டு வந்த இறைச்சி துண்டுகளை ஆற்றில் வீசினர். வன உயிரின சட்டப்படி, சுற்றுலா பயணிகள் எவரும் விலங்குகளுக்கு உணவு அளிக்க கூடாது.

அதை மீறி அவர்கள் இறைச்சி துண்டுகளை முதலைகளுக்கு கொடுத்தனர். அப்போது மனைவி, மகனுடன் கோவிலுக்கு சென்று விட்டு, மோட்டார் சைக்கிளில் திரும்பிக் கொண்டிருந்த வன ஊழியர் மதன் எச். நாயக் (வயது 55).

இதை பார்த்து மோட்டார் சைக்கிளை நிறுத்தினார். சுற்றுலா பயணிகளிடம் சென்று, முதலைகளுக்கு நீங்கள் உணவு அளிக்க கூடாது என்று அறிவுரை கூறினார். கேட்காமல் நாயக் உடன் அவர்கள் வாக்கு வாதத்தில் ஈடுபட்டனர்.

இதை நாயக்கின் 16 வயத மகன் ஷிசிர் தனது செல்போனில் போட்டோ எடுத்தார். இதனால் மேலும் ஆத்திரம் அடைந்த சுற்றுலா பயணிகள் தந்தையையும், மகனையும் சரமாரியாக தாக்கினார்.

கல்லால் அடித்தத்தில் நாயக்கின் மண்டை பிளந்தது. இருவரும் எஸ்.டி.எம். மருத்துவக் கல்லூரி மருத்துவ மனையில் சேர்க்கப்பட்டனர். அங்கு நாயக் சிகிச்சை பலனில்லாமல் இறந்தார். நாயக்கை தாக்கியவர்களில் சிலர் அரசு ஊழியர்கள் என்பதால் வழக்கு பதிவு செய்ய போலீசார் முதலில் தயங்கினர்.
பின்னர் உயர் அதிகாரிகள் தலையீட்டினால், போலீசார் வேண்டா வெறுப்பாக வழக்கு பதிவு செய்தனர்.