குழந்தைகள் இறப்பு வீதம் குறைந்த வைத்தியசாலையாக புத்தளம் தள வைத்தியசாலை தெரிவு வெள்ளிக்கிழமை,

குழந்தைகள் இறப்பு வீதம் குறைந்த வைத்தியசாலையாக புத்தளம் தள வைத்தியசாலை தெரிவு
வெள்ளிக்கிழமை, 22 ஜூன் 2012 09:02 0 COMMENTS

(எம்.என்.எம்.ஹிஜாஸ்)
வடமேல் மாகாணத்தில் குழந்தைகள் அதிகமாக பிரசவிக்கப்படும் வைத்தியசாலையாகவும் குழந்தைகள் இறப்பு வீதம் குறைந்த வைத்தியசாலையாகவும் புத்தளம் தள வைத்தியசாலை தேர்ந்தெடுக்கப்பட்டுள்ளதாக வைத்திய அத்தியட்சகர் எஸ்.அசோகா பெரேரா தெரிவித்தார்.

புத்தளம், தள வைத்தியசாலையில் மருந்துகள் தட்டுப்பாடு தொடர்பாகவும், சில இரத்த பரிசோதனைகள் தனியார் நிலையங்களில் பரிசோதனை செய்யுமாறு வைத்தியர்கள் கூறுவது தொடர்பாகவும் முக்கியஸ்தர்களால் நேற்று முன்தினம் புதன்கிழமை வைத்திய அத்தியட்சகரிடம் முறையிட்டபோதே அவர் இதனை தெரிவித்தார்.

புத்தளம் தள வைத்தியசாலை மாவட்டத்தின் முக்கிய வைத்தியசாலையாக இருக்கின்ற போதும் சில மருந்துகள் தட்டுபாடு நிலவுவதனால் இவ்வாறு கூறவேண்டியுள்ளதாகவும் மேற்கூறப்பட்ட முறையீடு தொடர்பாக உடனடியாக நடவடிக்கை எடுப்பதாகவும் புதிதாக கடந்த வாரம் பதவியேற்ற வைத்திய அத்தியட்சகர் மேலும் தெரிவித்தார்.

இதன்போது புத்தளம் நகர சபை தலைவர் கே.ஏ.பாயிஸ் மற்றும் புத்தளம் பிரதேச செயலாளர் ஏ.ஆர்.எம். மலிக் உட்பட பல முக்கியஸ்தகர்கள் உடனிருந்தனர்.