கடந்த பாதைகள் … !!!

by **முfதாக்** Sat 30 Jun 2012 - 18:32

கடந்து வந்த பாதைகள் மிகக் கசப்பானது
விதியின் கையில் நான்
ஓர் விழையாட்டு பொம்மை - அன்று
எனக்கே எனைப் பிடிக்காத கணங்கள் ஆயிரம்

தவிடு பொடியாகிப்போன கனாக்கள்
கனவுகளில் சிக்கிக் கழிந்து போன காலங்கள்
நட்பு மட்டுமே உறவென்று;
உண்மை ஆறியாத பொழுதுகள்

நட்டாற்று முதளைகளிடம் மாட்டிக் கொண்டு
காலைப் பிடித்துக் கரயேறிய காலங்கள்
கதை கேளாததால் கருவான பல கதைகள்
காசு கொடுத்து மாட்டி;காலம் கடந்த நாட்கள்
கல்விக் கூடங்கள் கசப்பான நாட்கள்

மனசுக்குள் அடிக்கடி தோன்றும் ஒரேஒலி
””நீ ஓர் நாள்உயர்வாய்”” என
பாதங்கள் தேடின புதிய பாதைகளினை
கால் வைத்த இடமெல்லாம் முட்கள்
வலி …
வலி …
வலிகள் மட்டுமே மீதமாகின மனதிற்குள்

தனிமை துணையாகிப் போனது
கூட்டத்தைக் கண்டு ஓட்டம் பிடித்தது மனசு
நண்பர்களின் கேலிப் பார்வைகள்
நெஞ்சுக்குள் வேலாய்ப்பாய்ந்ததுது

உதவி கேட்டவர்கள் பலர்
உதவி செய்தவகள் இலர்
முரண்பாடுகளின் மூட்டையானது மனசு
சாண் ஏற முளம் சறுக்கும் கதையானது வாழ்வு

ஏற ஏறஎல்லாப் படிகளிலும் சறுக்கினேன்
மனம் சொல்லியது வாழ்வு உன் கையில் என
ஓடினேன்
ஓடினேன்
ஓடினேன்
தனிமையில் ஓடினேன்

ஓடும் போதெல்லாம்;
பள்ளங்கள் எனைப் பாடாய்ப் படுத்தியது
மேடுகள் என் மேலேறி மிதித்தன
முட்டுக்கட்டைகள் என் மூக்கறுத்தது

கண்டுகொள்ளவில்லை நான்; காலம் பதில் சொல்லும் என
மனசுக்கு இப்போதுதான் பக்குவப்படும் பருவம் வந்தது
காதலும் இடைக்கிடை வந்து கை காட்டிச் சென்றது
வலிகள் மேலும் வலுத்தன - போகும்
வழிகள் மேலும் வலித்தன…

காதுகள் வெற்றியின் விலாசம் தேடி அலைந்தன
கண்கள் மனித மனங்கள் கண்டு மரத்துப்போயின
கால்கள் முட்களில் நிற்கப் பழகிக் கொண்டன
மனம் சறுக்கல்களினைச் சகித்துக் கொண்டது

இறுகிய மனசு மேலும் இறுகிப் போனது
நொறுக்குத் தீனிகளாயின பழைய பாடங்கள்
கிறுக்கல்களில் சித்திரம் வரையக் கற்றுக் கொண்டேன்
ஏழனப் பார்வைகளினை எடுத்தெறிந்து உடைத்தேன்

நம்பிக்கையே எனைக் கண்டு நடுங்கியது
நடு நிசி நாய்களின் ஊழைகளினை
எனைத் தட்டி எழுப்பும் அலார ஒலிகளாக்கினேன்
மெளனம் என் மானசீக மொழியானது

இட்டுக்கட்டல்களினை இருட்டடிப்புச் செய்தேன்
வெற்றியின் விலாசம் விழிக்கெட்டும் தூரம் தெரிந்தது
என் வடுக்கள் வழி மாறிச் சென்றன
ஏழனக் கண்களில் இன்று எரிச்சலின் ரேகைகள்
வாழ்ந்தாலும் ஏசும் தாழ்ந்தாலும் புறம் பேசும்
வையகம் கண்டேன்
வாழ்வியலை வாழ்ந்துதான் வென்றேன்

“TRY AND TRY ONE DAY YOU ALSO CAN FLY”