வரலாறு காணாத தீபாவளி இது

by **veel** Mon 12 Nov 2012 - 13:47

தீபாவளி திருநாள் வாழ்த்துக்கள்

மின் மினிப் பூச்சிகள் சிறை செய்து

மல்லிகை பூக்களில் அடைப்போம்

மத்தாப்பூ செலவின்றி ஜொலிக்கும்

மனமும் சிக்கனத்தில் முறுவலிக்கும்

கோமா நிலையில் வழக்கம் போல்

குண்டு பல்புகள் உறங்கட்டும்

கொஞ்சம் கொஞ்சம் நிலவொளி பிடித்து

குளுகோஸ் என அதனுள் நிரப்புவோம்

வரலாறு காணாத தீபாவளி இது

வந்தது வளமான மின் வெட்டோடு.....!

உடைத்தால் டியூப் லைட்டை

உண்டாகும் வெடிச்சத்தம் - அதனை

உபயோகப் படுத்துவோம் - அது

உதவட்டும் இன்றைக்காவது பட்டாசுக்கு....!

கல்கி அவதாரம் போதும் - கடவுளே ! நீ இனி

கடமையுணர்வோடு மின்சார அவதாரம் எடு

கடவுள் நம்பிக்கை மீண்டும் மண்ணில் வரும்

காரணம் உன்னை கண்களால் மனிதர் காண்பர்

போகட்டும் இனி அந்த பொல்லாத மின்வெட்டு

பொழுதும் இனி புலரட்டும் தீப ஒளி பட்டு

புன்னகை வெளிச்சம் பரவட்டும் சந்தோசப் பட்டு

பூரித்தே சொல்கின்றேன் தீபாவளி நல்வாழ்த்து...!

அனைவருக்கும்

இதயம் நிறைந்த

இனிய தீபாவளி நல்வாத்துக்கள்

நன்றி/ ரஞ்சிதா.

வேல்