போலி... அடிச்சா காலி!

by **Muthumohamed** Tue 18 Dec 2012 - 12:43

போலீஸாரும் போலி மதுபானங்களைப் பிடித்துக்கொண்டேதான் இருக்கிறார்கள். ஆனாலும், மீண்டும் மீண்டும் சளைக்காமல் தயாரித்துக்கொண்டேதான் இருக்கிறார்கள் போலி வியாபாரிகள். சரி, இந்தப் போலி மதுபானங்களை எப்படித் தயாரிக்கிறார்கள்? அந்தத் தொழிலில் இருக்கும் கில்லாடிகளிடம் பேசினேன்.

ஃபார்முலா 1:

இது சாதாரண முறை. டாஸ்மாக் சரக்கு இரண்டு பங்கு. கேசரிப் பவுடர், ஆப்பிள், ஆரஞ்சு, லெமன் எசென்ஸ் கலந்த தண்ணீர் ஒரு பங்கு. அவ்வளவுதான். போலிச் சரக்கு ரெடி. இது, பெரும்பாலும் டாஸ்மாக் பணியாளர்கள் அல்லது பார்களில் வேலை செய்பவர்கள் குவார்ட்டர் மூடியை அலேக்காகப் பெயர்த்து எடுத்துச் செய்வது!

ஃபார்முலா 2:

கர்நாடகா மற்றும் பாண்டிச்சேரியில் குறிப்பிட்ட சில சரக்குகள் மட்டும் விலை குறைவு. ஃபுல் பாட்டில் ரூ. 180-க்கும் கிடைக்கிறது. கிக் கொஞ்சம் குறைவு. அவற்றை மொத்தமாக வாங்கிவந்து, கெமிக்கல் கடையில் கிடைக்கும் ஸ்பிரிட் (எரிசாராயம்) கலந்து தயாரிப்பார்கள். உதாரணத்துக்கு குவார்ட்டர் தயாரிக்க எரிசாராயம் 5 மில்லி, வெளி மாநிலச் சரக்கு 100 மில்லி, கலர் பவுடர், எசென்ஸ் கலந்த தண்ணீர் 75 மில்லி போதும். 180 மில்லி குவார்ட்டர் தயார்!

ஃபார்முலா 3:

இது கொஞ்சம் அசந்தாலும் டேஞ்சர். கிட்டத்தட்ட கள்ளச் சாராயம். தண்ணீரில் எக்ஸ்பைரி ஆன பேட்டரிகளை உடைத்துப்போட்டுக் கொதிக்கவைக்கிறார்கள். தண்ணீர் ஆறியவுடன் வடிகட்டி ஃப்ரீஸரில் வைத்து ஐஸ்கட்டி ஆக்குகிறார்கள். ஐஸ்கட்டியை அண்டாவில் போட்டு மீண்டும் காய்ச்சுதல். இப்படி மீண்டும், மீண்டும் காய்ச்சும்போதுதான் தண்ணீரில் இருக்கும் மினரல் எல்லாம் காலியாகி கனிமங்கள் இல்லாத தண்ணீர் கிடைக்கும். அப்போதுதான் ஸ்பிரிட்டைத் தண்ணீரில் கலக்கும்போது ஸ்பிரிட்டின் முழு வீரியத்தையும் தண்ணீர் உள்வாங்கிக் கொள்ளுமாம். கனிமங்கள் இருந்தால் தண்ணீரில் கலக்கப்படும் ஸ்பிரிட்டின் வீரியம் குறைந்துவிடும் என்கிறார்கள்.

ஒரு லிட்டர் தண்ணீரில் 200 மில்லி ஸ்பிரிட், தேவையான எசென்ஸ் மற்றும் கலர் பவுடர் கலந்தால் சரக்குத் தயார். சரக்குத் தயாரிப்பவர், டேஸ்ட் பார்த்துப் பார்த்துப் போதை தலைக்கு ஏறி, ஸ்பிரிட்டைக் கொஞ்சமே கொஞ்சம் சேர்த்துக் கலந்தால், ஈத்தைல் ஆல்கஹாலாக இருக்கும் சரக்கின் தன்மை திரிந்து, மீத்தைல் ஆல்கஹால் ஆகிவிடும். குடித்த 30 நிமிடங்களுக்குள் கண் நரம்புகள் பாதிக்கப்பட்டு பார்வை பணால். உடனடி சிகிச்சை இல்லை என்றால், ஒரு மணி நேரத்தில் ஆளும் அவுட்!

தேவைதானா இந்தப் போலிச் சரக்கு?

- டி.எல்.சஞ்சீவிகுமார்
டைம் பாஸ்

by *சம்ஸ் Tue 18 Dec 2012 - 12:56

ஐய்யய்யோ அம்மாடியோவ் :+:-:

போலி... அடிச்சா காலி!

போலி... அடிச்சா காலி!

Re: போலி... அடிச்சா காலி!