ஐ.சி.சி.யின் இருபதுக்கு-20 தரவரிசை : இலங்கை அணி முதலிடம்...

ஐ.சி.சி.யினால் வெளியிடப்பட்டுள்ள சர்வதேச இருபதுக்கு-20 தரவரிசைப்பட்டியலில் இலங்கை அணி முதலாவது இடத்திலுள்ளது.

சர்வதேச இருபதுக்கு-20 போட்டிகளில் சிறந்து விளங்கும் அணி மற்றும் வீரர்களுக்கான தரவரிசைப் பட்டியலை சர்வதேச கிரிக்கெட் சபை (ஐ.சி.சி.) அண்மையில் வெளியிட்டுள்ளது.


இதில் இலங்கை அணி 127 புள்ளிகளுடன் முதலாவது இடத்தில் உள்ளதுடன் இரண்டாவது இடத்தில் 122 புள்ளிகளைப் பெற்று மேற்கிந்தியத் தீவுகள் அணியும் மூன்றாவது இடத்தில் 120 புள்ளிகளைப் பெற்று இந்திய அணியும் உள்ளன.

இதேவேளை, சிறந்த துடுப்பாட்ட வீரர்களுக்கான தரவரிசையில் முதல் மூன்று இடங்களில் நியூசிலாந்தின் பிரண்டன் மெக்கலம், அவுஸ்திரேலியாவின் ஷேன் வொட்சன், மேற்கிந்தியத் தீவுகளின் கிறிஸ் கெய்ல் ஆகியோர் இடம்பெற்றுள்ளனர். இந்நிலையில் இலங்கை அணியின் மஹேல ஜெயவர்தன 4ஆவது இடத்திலும் டில்ஷான் 10ஆவது இடத்திலுமுள்ளனர்.

சிறந்த பந்து வீச்சாளர்களுக்கான தரவரிசையில் முதல் மூன்று இடங்களில் பாகிஸ்தானின் சயீட் அஜ்மல், இங்கிலாந்தின் சுவான், இலங்கையின் அஜந்த மென்டிஸ் ஆகியோர் இடம்பெற்றுள்ளனர். இலங்கை அணியின் குலசேகர 7ஆவது இடத்திலுள்ளார்.

இந்நிலையில் சகலதுறை ஆட்டக்காரர்களுக்கான தரவரிசையில் அவுஸ்திரேலியாவின் ஷேன் வொட்சன் முதலிடத்திலும் பாகிஸ்தானின் முகமது ஹபீஸ் இரண்டாவது இடத்திலும் மேற்கிந்தியத் தீவுகளின் சாமுவேல்ஸ், கிறிஸ் கெய்ல் ஆகியோர் மூன்றாவது இடத்திலுமுள்ளனர். இலங்கை அணியின் மெத்தியூஸ் 7ஆவது இடத்திலுள்ளமை குறிப்பிடத்தக்கது.

-
இருபது ஓவர் போட்டியில் முதலிடம் பிடிக்க இந்திய அணிக்கு அருமையான வாய்ப்பு உள்ளது.

இவ்வாண்டு இறுதிக்குள், இங்கிலாந்து மற்றும் பாகிஸ்தான் அணிகளுக்கு
எதிராக நடைபெறும் நான்கு டி20 போட்டிகளில் இந்தியா வெற்றி பெறுமானால்
இக்கனவு சாத்தியமே.

:!+: @. இந்தியா அணி வெற்றி பெற எனது

வாழ்த்துக்கள்...நண்பரே...