துன்பம் கலவாத, இன்பம் என்ற ஒன்று உலகில் இல்லவே இல்லை. -

வீடுதோறும் குறள்

அடர்ந்த காடொன்றில் பயணம் செய்கிறான் ஒரு
வழிப்போக்கன்… வழியில் புலி ஒன்று அவனை
துறத்துகிறது… தலைதெறிக்க ஓடியவன் ஒரு
பாழுங்கிணற்றுக்குள் விழுந்து, வேர் ஒன்றைப்
பிடித்துக் கொண்டு தொங்குகிறான்…

கினற்றினுள்ளே பாம்புகள் நெளிகின்றன…
எலி ஒன்று அவன் பிடித்திருக்கும் வேரைக்
கடிக்கிறது.

அவன் விழுந்த வேகத்தில் அருகிலிருந்த தேனடை
ஒன்று சிதறி, தேனீக்கள் அவன் முகத்தில்
கொட்டுகின்றன.

மேலே புலி… கீழே பாம்புகள்… கொட்டும்
தேனீக்கள்… எந்த நேரமும் கயிறு, எலியால்
அறுந்துவிடும் அபாயம்… இத்தனைக்கும் நடுவில்
தேனடையிலிருந்து சொட்டுகின்ற தேனுக்காக
நாக்கை நீட்டுகிறான் அந்த வழிப்போக்கன்.

உலகில் நாம் அனுபவிக்கும் இன்பமெல்லாம்
இப்படித்தான் இருக்கிறது என்று கூறும் கதை இது…

வாழ்க்கை முழுவதும் இன்பத்தைத் தேடி
அலையும் ஒரு நெடும் பயணமாகவே இருக்கிறது.

வேலை கிடைத்தால்தான் இன்பம்,
திருமணமானால்தான் இன்பம்,
குழந்தை பிறந்தால் தான் இன்பம்,
குழந்தைக்குப் பள்ளியில் இடம் கிடைத்தால்தான்
இன்பம்,
வீடு கட்டினால்தான் இன்பம்,
வாகனம் வாங்கினால்தான் இன்பம் என இன்பத்தை
வாழ்க்கையின் அடுத்த கட்டத்துக்கு ஒத்திப்போடுவதே
பலரின் வாடிக்கையாக இருக்கிறது.
-
வாழ்க்கையில் ஒவ்வொரு இன்பத்தையும் அடைவதற்கு
நாய் படாத பாடு பட வேண்டியிருக்கிறது. மென்மையான
ரோஜாவுக்கு அடியில் குத்தும் முள் போல, ஒவ்வொரு
இன்பத்திலும் துன்பம் கலந்தே இருக்கிறது. வாழ்க்கையில்
அடுத்தடுத்து எல்லாம் கிடைத்துவிட்டாலும், அவற்றில்
திருப்தி ஏற்பட்டுவிடுவதில்லை.

புதிதாக வாங்கிய ஐபோனை பயன்படுத்திப் பழகுவதற்குள்,
அதைவிட தரம் வாய்ந்த ஒன்று விற்பனைக்கு வந்துவிடுகிறது.

அது மட்டுமல்ல, நாம் அனுபவிக்கும் இன்பங்கள்
நம்மை அடிமைப்படுத்துகின்றன. நள்ளிரவில் மின்சாரம்
இன்றி புழுக்கத்தில் தூக்கம் வராமல் தவிக்கின்ற நம்மைப்
பார்த்து, மின்சார் உபயோகத்துக்கு வருமுன்னர் வெறும்
கைவிசிறியைக் கொண்டே காலந்தள்ளிவிட்டுச் சென்ற
நம் தாத்தா சிரிப்பது போலத் தோன்றுகிறது.

ஆக துன்பம் கலவாத, நிறைவைத் தருகின்ற,
அடிமைப்படுத்தாத இன்பம் என்ற ஒன்று உலகில் இல்லவே
இல்லை.
-
=========================================
நன்றி: கல்கி

wow very nice :+=+:

அருமை அசத்தலான பகிர்வு நன்றி அண்ணா