3வது ஒருநாள் போட்டிக்கு இந்திய அணியுடன் புதிய ஆல் ரவுண்டர்!

ஆல் ரவுண்டர் பர்வேஸ் ரசூல் இன்று டெல்லியில் இந்திய வீரர்களுக்கு பந்து வீச அழைக்கப்பட்டார். இவருடன் பாண்டே என்ற வேகப்பந்து வீச்சாளர் மற்றும் ஷர்மா ஆகியோர் வீரத் கோலி, தோனி உள்ளடங்கிய இந்திய பேட்ஸ்மென்களுக்கு பந்து வீச சிறப்பாக அழைக்கப்பட்டுள்ளனர்.

டெல்லியில் 3வது, இறுதி ஒருநாள் போட்டியில் வெற்றி பெற்று ஓரளவுக்கு மரியாதையை தற்காப்போம் என்ற முடிவில் இந்திய வீரர்கள் இருப்பது தெரிகிறது.

ரசூல் இந்தியா ஏ அணியில் தேர்வு செய்யப்பட்டு பயிற்சியில் ஈடுபட்டிருந்தார். அவரை உடனே கோட்லா மைதானத்திற்கு அனுப்புமாறு இந்திய அணி நிர்வாகம் கோரிக்கை வைத்துள்ளது.
ஆஃப் ஸ்பின்னரான பர்வேஸ் ரசூல் இந்த ரஞ்சி சீசனில் 33 விக்கெட்டுகளைக் கைப்பற்றியுள்ளார். காஷ்மீர் பள்ளத்தாக்கிலிருந்து இந்தியாவுக்கு ஒருநாள் தேர்வாகும் முதல் வீரர் என்ற பெருமையை இந்த ஆல்ரவுண்டர் பெறலாம் என்றே கருதுகிறது கிரிக்கெட் வட்டாரங்கள்.

வேகப்பந்து வீச்சாளர் பாண்டே இந்த சீசனில் அதிக விக்கெட்டுகளைக் கைப்பற்றியவர்.
ரஞ்சியே விளையாடாத நம் முன்னணி வீரர்களுக்கு இந்த ரஞ்சியிலேயே மூழ்கி கிடக்கும் பந்து வீச்சாளர்கள் பயிர்சியளிப்பது வினோதம்தான்!
அது சரி பயிற்சி இவர்களுக்கா அல்லது நம் நட்சத்திர பேட்ஸ்மென்களுக்கா?

பார்க்கலாம் (*(: