அண்ட்ரோய்ட்: சற்று விரிவான பார்வை.

தகவல் தொழில்நுட்பத் துறையில் கணினிக்கு அடுத்தபடியாக மிகப்பெரிய சந்தைப்
பொருள் மொபைல் போன்கள் ஆகும். கணினிகளில் நாம் செய்யும் கிட்டத்தட்ட
அனைத்து வசதிகளும் தற்போது மொபைல்களில் வந்துவிட்டன. மொபைல் சந்தைகளின்
எதிர்காலத்தை ஓரளவு கணித்த கூகுள் நிறுவனம் ஆன்ட்ராய்ட் (ANDROID) என்னும்
இயங்குதளம் மூலம் மொபைல் சந்தையில் களமிறங்கியது.

ஆன்ட்ராய்ட்
என்பது மொபைல் (Smartphone) மற்றும் டேப்லேட் கணினிகளுக்கான (Operating
system) (Tablet PC) இயங்குதளமாகும். இது லினக்ஸ் கெர்நெல் (Linux Kernel)
என்னும் இயங்குதளத்தை அடிப்படையாகக் கொண்டது. ஆனால் இதில் சில மாற்றங்களை
செய்து வெளியிட்டது கூகுள். சிற்சில மாற்றங்களுக்கு உட்படுத்தப்பட்டு புதிய
மொபைல் இயங்குதளமாக பரிணமித்தது. ஆன்ட்ராய்ட் இயங்குதளம் தொடர்ந்து
மேம்படுத்தப்படும். ஒவ்வொரு தடவை மேம்படுத்தப்படும் போதும்பழைய பதிப்பில்
உள்ள பிழைகள் களையப்பட்டு புதிய வசதிகள் அறிமுகப்படுத்தப்படும்.
ஆன்ட்ராய்ட் இயங்குதளமானது இதுவரை எட்டுக்கும் மேற்பட்ட பதிப்புகளாக
வெளியிடப்பட்டிருக்கிறது.

சமீபத்திய பதிப்பு Ice Cream Sandwich
(V4.0) ஆகும். ஆன்ட்ராய்ட் புதிய பதிப்பு வந்தவுடனேயே நீங்கள் அதனை பெற
முடியாது. நீங்கள் வைத்திருக்கும் மொபைல் மாடலுக்கு உங்கள் மொபைல் நிறுவனம்
அந்த வசதியை கொடுக்கும் போது தான் நீங்கள் பெற முடியும்.

ஆன்ராய்ட்
இயங்குதள பதிப்புகள் ஒவ்வொன்றிற்குமே இனிப்பு வகையான cupcake, Donut,
Eclair, Froyo, Gingerbread, Honecomb, Ice Creame, Sandwich, போன்ற
பெயர்களைக் கொண்டுள்ளது.

ஆன்ராய்ட் இயங்குதளத்தின்சிறப்புகள்:-
>நாம் விரும்பியபடி மொபைலின் முகப்பு பக்கத்தை வைத்துக்கொள்ளும் வசதி – Customize Home Screen

>வழக்கமான
தோற்றத்தில் SMS கள் இருக்காமல் புதிய தோற்றத்தில் இருக்கும். அதாவது
ஒருவர் அனுப்பிய SMS திறக்கும்பொழுது, அவர்அனுப்பிய அனைத்து SMS களையும்
அதே வரிசையில் தொடர்ச்சியாக பார்த்துக்கொள்ளும் வசதி. அதற்கு Threaded SMS
என்றுபெயர்.

>ஆண்ட்ராய் வலை உலவி. இது கணினியில் நாம்
பயன்படுத்தும் Browser போன்ற முழுமையான வசதிகளை உள்ளடக்கியுள்ளது. YouTube
வீடியோக்கள் பார்க்க Flash வசதியை கொண்டிருக்கிறது.

>கூகிள் வழங்கும் அனைத்து பயன்பாட்டு மென்பொருள்களும் இதில் நிறுவப்பட்டிருக்கும்.

>குரல் மூலம் மொபைலை இயக்கும் வசதி.
>ஸ்கிரீன்
ஷாட் எடுக்கும் வசதியைக் கொண்டிருக்கிறது.அதாவது கணினியில் Screen shot
எடுப்பதைப் போன்றே இந்த ஆன்ட்ராய்ட் மொபைல்களிலும் ஸ்கிரீன் சாட் எடுக்கும்
வசதியைக் கொண்டிருக்கிறது.

>மேலும் பல சிறப்பம்சங்கள் இதில் உள்ளன.
ஆன்ட்ராய்டில்
பல வசதிகள் இருந்தாலும் இது அளவில்லாத இணைய இணைப்பு (Unlimited Internet
Connection) உள்ளவர்களுக்குமட்டுமே பயனாகும். ஏனெனில்பல அப்ளிகேசன்கள் இணைய
இணைப்பில் தான் வேலை செய்கிறது.

ஆன்ட்ராய்ட் பயன்பாட்டை எப்படி பயன்படுத்துவது:-
நீங்கள்
Tablet pc அல்லது புது மொபைல் வாங்கியவுடன் அதனை கூகிள் கணிக்கில்
இணைக்கச் சொல்லிக் கேட்கும். உங்கள் கூகிள் கணக்கைப் பயன்படுத்தி
இணைக்கும்பொழுது, அதில் Android Application Market உள்ள வசதிகள்
அனைத்தையும் நீங்கள் பயன்படுத்த முடியும்.

உங்களுக்குத் தேவையான
அப்ளிகேஷன்களை தரவிறக்கிப்பயன்படுத்த முடியும். இதற்கு Android market
பயன்படுகிறது. இதில் பணம் கொடுத்து அப்ளிகேஷன்களை வாங்க முடியும்.
இலவசமாகவும் ஒருசில அப்ளிகேஷன்கள் உங்களுக்கு கிடைக்கும்.

நீங்கள்
பணம் கட்டி வாங்கும் அப்ளிகேசன்கள் உங்களுக்கு பிடிக்கவில்லைஎன்றால்,
பதினைந்து நிமிடத்திற்குள் திரும்பக் கொடுத்து பணத்தை திரும்பப் பெற்றுக்
கொள்ளலாம்.
ஆன்ட்ராய்டில் பல சிறப்பம்சங்கள் இருந்தாலும் இதிலும் குறைபாடுகள் இல்லாமல் இல்லை.