என் காதல் வரலாறு‏

by **veel** Wed 16 Jan 2013 - 10:03

பருவம் குழந்தை தொட்டு
பருவமும் அடைந்தாள்
பலவாறாய் வருடங்கள்
கடந்ததே நினைவில் இல்லை

அண்ணனின் நண்பனாய்
அவளுக்கும் அண்ணனாய்
அப்படி ஓர் உறவை
தொடராமல் தொலைத்து

பதறாமல் அவள் மீது
பருவங்கள் காதல் கொள்ள
உணர்சிகள் மட்டும் அதை
சிதறாமல் காத்துக்கொள்ள

சில காலம் இளைக்காமல்
பின் நிலைக்காமல் போகவும்
விரைந்தோடி போனேன்
அவள் விழி தேடி போனேன்

கண்டதும் கையில்
காதலை விதைத்த
காகிதத்தை கொடுத்து
மாலை வருவேன் என்று

மறு நாள் காலை சென்றும்
மனதில் ஆசை அற்றோ

வெளியில் வேஷம் கொண்டோ
பதில் தர மறுத்தாள்

ஓர் சில நாட்களில்
என் ஒல்லிக்குச்சிகாரி
தொலைவாகியே தொலைந்தாள்
தேடியும் கண்ணில் இல்லை

ஓரிரு ஆண்டு தள்ளி
தூரமாய் என்னில் பட்டாள்
மீண்டும் என் காதல் சொல்ல
மொத்தமாய் தூக்கி போட்டாள்

நானோ கிரகம் தாவிய
நரக வலி கண்டு
சோகமாய் கவி பாடி
நகர்ந்திடும் வேளை

கவியதன் உச்சம் கண்டு
காதலை ஒத்துக்கொண்டு
கவிஞன் கையில்
தாவினாள் கவிதை.

நன்றி ...
சுதர்சன்