கடலில் மீட்கப்பட்ட 138 பேரையும் மிரிஹான தடுப்பு முகாமில் ஒப்படைக்க உத்தரவு

கடலில் மீட்கப்பட்ட 138 பேரையும்
மிரிஹான தடுப்பு முகாமில்
ஒப்படைக்க உத்தரவு




ஒலுவில் விசேட, அக்கரைப்பற்று மத்திய விசேட நிருபர்கள்

சட்டவிரோதமாக கடலில் பயணம் செய்து ஒலுவில் கடற் பிரதேசத்தில் வைத்து கடற் படையினரால்
காப்பாற்றப் பட்ட மியன்மார், பங்களாதேஷ் ஆகிய நாடுகளைச் சேர்ந்த 138 பேரையும்
சிறைச்சாலையூடாக மிரிஹானவிலுள்ள வெளிநாட்ட வர்களைத் தடுத்து வைக்கும் முகாமில்
ஒப்படைக்குமாறு அக்கரைப்பற்று நீதிமன்ற நீதிபதி ரீ. சரவணராஜா உத்தர விட்டுள்ளார்.

ஒலுவில் துறைமுக கடற் பிரதேசத்தில் ஞாயிற்றுக்கிழமை அதிகாலை உண்ண உணவின்றியும்
குடிநீரின்றியும் படகொன்றில் தத்தளித்துக் கொண்டிருந்த வர்களை கடற் படையினர் மீட்டு
இவர்களை ஒலுவில் துறைமுக கடற்படை முகாமில் தங்க வைத்தனர். மீட்கப்பட்ட வர்களில் 03
பெண்களும், 03 சிறுவர்களும் அடங்குவர். இவர்களில் ஒருவர் மரணமடைந்துள்ளமையும்
தெரிந்ததே.
கைதுசெய்யப்பட்டவர்களில் 11 பேர் சிகிச்சைக்காக அனுமதிக்கப்பட்டிருந்தனர்.
அக்கரைப்பற்று பொலிஸார் இது தொடர்பான விசாரணைகளை மேற்கொண்டு வந்தனர்.
இவ்வாறு கைது செய்யப்பட்டவர்களை ஒலுவில் கடற்படை முகாமுக்கும் வைத்தியசாலைக்கும்
நேரடியாகச் சென்று பார்வையிட்ட அக்கரைப்பற்று நீதிமன்ற நீதிபதி ரீ. சரவணராஜா
ஒவ்வொருவரிடமும் வாக்கு மூலத்தைப் பெற்று சிறைச்சாலை யூடாக கொழும்பு மிரியாலையில்
உள்ள வெளிநாட்டவர் களைத் தடுத்து வைக்கும் முகாமில் ஒப்படைக்குமாறு உத்தரவிட்டார்.
இவர்களை தத்தமது நாடுகளுக்கு அந்தந்த தூதுவராலயங்கள் ஊடாக அனுப்பி வைப்பதற்கான
ஏற்பாடுகளும் இடம்பெற்று வருவதாகவும் தெரிய வருகிறது. கைதுசெய்யப்பட்டவர்களுள் 14
பேர் மியன்மார் நாட்டவர்கள் எனவும் 124 பேர் பங்களாதேஷ் நாட்டவர்கள் எனவும் தெரிய
வருகிறது.


நன்றி தினகரன்