கலாநிதி மாறன் தாம்பரம் நீதிமன்றத்தில் ஆஜராக உத்தரவு

by *சம்ஸ் Thu 7 Feb 2013 - 7:49

கலாநிதி மாறன் தாம்பரம் நீதிமன்றத்தில் ஆஜராக உத்தரவு

சன் டி.வி. குழும தலைவர் கலாநிதி மற்றும் தலைமை செய்தி ஆசிரியர் ஆகியோர் மார்ச் 2
ஆம் திகதி நீதிமன்றத்தில் ஆஜராக வேண்டும் என தாம்பரம் நீதிமன்றம் உத்தரவு
பிறப்பித்துள்து.
கலாநிதி மாறன் தாம்பரம் நீதிமன்றத்தில் ஆஜராக உத்தரவு I-6

கலாநிதி மாறன் தாம்பரம் நீதிமன்றத்தில் ஆஜராக உத்தரவு I-6

இது குறித்து மனுதாரர் இளங்கோவனின் வழக்கறிஞர் ஜெaமாலினி கடந்த டிச. 11 ஆம் திகதி
நில அபகரிப்பு என்ற தலைப்பில் சன் நியூஸ் தொலைக்காட்சியில், பல்லாவரம் எம். எல். ஏ.
தனசிங் பம்மல் நகராட்சி தலைவர் இளங்கோவன் ஆகியோர் நில அபகரிப்புக்கு துணை போயினர்
என காலை 10.00 முதல் பிற்பகல் 2.00 மணி வரை தொடர்ந்து செய்தி வெளியிடப்பட்டது.
இந்த செய்தியை கண்டித்து மனுதாரர்கள் சார்பாக கடந்த மாதம் 13 ஆம் திகதி 'சன்'
நியூஸ் தொலைக்காட்சிக்கும் சன் குழும நிறுவனத்தாருக்கும் வழக்கறிஞர் நோட்டீஸ்
அனுப்பப்பட்டது. அதைப் பெற்றுக் கொண்ட பின் அதற்கான எந்த பதிலும் வரவில்லை.
இதையடுத்து ஜனவரி 9 ஆம் திகதி மறு அறிவிப்பும், 10 ஆம் திகதி தந்தி தகவலும்
அனுப்பப்பட்டது. அதற்கும் பதில் வராததால் மனுதாரர்கள் சார்பில் சன் குழும தலைவர்
கலாநிதி மற்றும் சன் டிவி தலைமை செய்தி ஆசிரியர் மீது தாம்பரம் நீதிமன்றத்தில்
ஜனவரி 18 ஆம் திகதி மான நஷ்டஈடு வழக்கு தொடரப்பட்டது.
இந்தவழக்கு கடந்த மாதம் 23 ஆம் திகதி விசாரணைக்கு வந்தது. அதன்பின் மனுதாரர்
மற்றும் இதர சாட்சிகளின் பிரமாண வாக்குமூலம் பதிவு செய்யப்பட்டது. கடந்த 2 ஆம்
திகதி வழக்கு சம்பந்தமாக வாதாடப்பட்டது.
அந்த வழக்கில் முகாந்திரம் உள்ளது என நீதவான் நீதிபதி கருதியதால் நேற்று முன்தினம்
வழக்கில் உத்தரவு பிறப்பிக்கப்பட்டு மார்ச் 2 ஆம் திகதி சன் குழும தலைவர் கலாநிதி
மற்றும் சன் டிவி தலைமை செய்தி ஆசிரியர் ஆகியோர் நிதிமன்ற த்தில் கட்டாயம் ஆஜராக
வேண்டும் என உத்தரவு பிறப்பிக்கப்பட்டு உள்ளது என்று கூறினார்.
நன்றி தினகரன்