தந்தை வழியில் மகனும் முரட்டுத்தனமாக நடந்து வெளியேற்றம்

by *சம்ஸ் Sat 9 Feb 2013 - 8:20

உதைபந்தாட்டம்:

தந்தை வழியில் மகனும் முரட்டுத்தனமாக நடந்து வெளியேற்றம்

சினடின் சிடேனைப் போல, அவரது மகனும் உதைபந்து போட்டியில் முரட்டுத்தனமாக நடந்து
வெளியேற்றப் பட்டார்.
பிரான்ஸ் உதைபந்தாட்ட அணியின் நட்சத்திர வீரர் சினடின் சிடேன், 40 மத்திய கள வீரராக
இருந்தவர் தலையால் முட்டி கோல் அடிப்பதில் வல்லவர். கடந்த 2006 உலகக் கோப்பை
உதைபந்தாட்ட தொடரில் சிறப்பான ஆட்டத்தை வெளிப்படுத்தி அணியை இறுதிப்போட் டியில்
கொண்டு சென்றார். இறுதிப் போட்டிகள் இத்தாலி வீரர்கள் கோல் அடிப்பதை விட சிடேனை
தடுப்பதிலேயே கவனமாக இருந்தனர்.

போட்டியின் 110வது நிமிடத்தில் இரு அணிகளும் 1-1 என
சமநிலையில் இருந்தன. ஆட்டம் முடிய 10 நிமிடம் இருந்த போது தன்னை பின்தொடர்ந்து
‘தொல்லை’ கொடுத்த இத்தாலி வீரர் மாட்டராசி மார்பில் தலையால் முட்டி கீழே தள்ளினார்.

இதையடுத்து “சிவப்பு அட்டை” காட்டப்பட்டு வெளியேற்றப் பட்டார். இதனால், அடுத்து
நடந்த “டை- பிரெக்கரில்’ இவரால் பங்கேற்க முடியாமல் போக பிரான்ஸ் அணி உலகக் கோப்பையை
இழந்தது. இப்போட்டிக்குப் பின் சிடேன் உதைபந்தாட்ட அரங்கில் இருந்து விடைபெற்றார்.
இவரது மகன் என்ஜோ தந்தையைப் போல சிறந்த மத்திய கள வீரரான இவர் 18 வயதக்குட்பட்ட
ரியல் மட்ரிட் அணியில் விளையாடி வருகிறார். அஸ்பயா இன்டர் நேஷனல் அணிக்கு எதிராக,
டோகாவில் நடந்த போட்டியின் போது முரட்டு ஆட்டத்தில் ஈடுபட்டார். பந்தை உதைப்பதற்குப்
பதில் , எதிரணி வீரரின் முகத்தில் உதைத்தார்.
இதையடுத்து என்ஜோ சிவப்பு அட்டை காட்டப்பட்டு வெளியேற்றப் பட்டார்.
ஒரு நல்ல விஷயம். இப்போட்டியில் 2 கோல் பின்தங்கிய நிலையிலும், என்ஜோனின் ரியல்
மாட்ரிட் அணி வெற்றி பெற்றது. இருப்பினும், இந்த சிவப்பு அட்டை காரணமாக, பிரேசில்
அணிக்கு எதிரான காலிறுதியில் என்ஜோ பங்கேற்க முடியாமல் போனது சோகம்தான்.
நன்றி தினகரன்