............ஆபரணம்..........

by **Muthumohamed** Mon 11 Feb 2013 - 20:33

............ஆபரணம்..........
_____________________
சாக்கடைக்குள் விழுந்த தங்கச்சங்கிலி,
தேடிக்கழுவப்பட்டு மீண்டும் அணியப்பட்டது !
அதே சாக்கடையை சுத்தப்படுத்தும் மனிதன்,
ஒதுங்கி அருவருப்பாய் பார்க்கப்படுகிறான் !
முகம்கோணாமல் அசுத்தங்களை,
சத்தமில்லாமல் சுத்தப்படுதிவிடுகிறான் அவன் !
தூசுபட்டாலும் துடித்து சுத்தம்செய்து,
மாசுபடாத பிறவியாகவே வளையவருகிறாய் நீ !
அருவருக்கப்படும் பொருளாகவே,
அனுதினமும் அசிங்கமாய்ப்பார்க்கப்படுகிறான் அவன் !
புறஅழகை பெரிதாய் பாவித்து,
அகஅழகு கெட்டு அறிவுகெட்டுத் திரிகிறாய் நீ !
உன்னை எஜமானே என்று,
தன்னை மறக்காது குனிந்து வணங்குகிறான் அவன் !
தகுதியே இல்லாமல் எண்ணங்கள் கொல்லாமல்,
எருமையாய் முருக்குகிறாய் அவனை வணங்கவேண்டிய நீ !!