எகிப்து தலைமை முப்தி தேர்வு

by *சம்ஸ் Wed 13 Feb 2013 - 7:25

எகிப்து தலைமை முப்தி தேர்வு

எகிப்தின் அதிகாரம் மிக்க தலைமை முப்தி பதவிக்கு இஸ்லாமிய அரசியல் சட்டம் தொடர்பான
பேராசிரியர் கலாநிதி ஷவ்கி இப்ராஹிம் அல்லாம் தெரிவு செய்யப்பட்டுள்ளார்.

எகிப்து தலைமை முப்தி தேர்வு W-muslim-man

எகிப்து தலைமை முப்தி தேர்வு W-muslim-man

அல் அஸ்ஹர்
பல்கலைக்கழக சிரேஷ்ட இஸ்லாமிய அறிஞர்களின் வாக்கெடுப்பின் மூலமே தலைமை முப்தி தேர்வு
செய்யப்பட்டமை குறிப்பிடத்தக்கது. இதன் மூலம் கடந்த 60 ஆண்டுகளில் வாக்கெடுப்பின்
மூலம் தலைமை முப்தி தேர்வு செய்யப்படுவது இது முதல் முறையாகும்.

முன்னர் ஜனாதிபதியே
சமூக மற்றும் சட்ட விவகாரங்களில் அழுத்தம் கொடுக்கக் கூடிய தலைமை முப்தியை
தேர்வுசெய்து வந்தார். எனினும் கடந்த 2011ஆம் ஆண்டு மக்கள் எழுச்சிப் போராட்டத்தின்
பின்னர் இந்த முறையில் மாற்றம் கொண்டுவரப்பட்டுள்ளது.

இதன்படி கடந்த 2003 ஆம் ஆண்டு
தொடக்கம் எகிப்தின் தலைமை முப்தியாக செயற்பட்ட அலி கொமாவுக்கு பதில் அல்லாம் அந்த
பொறுப்பை ஏற்கவுள்ளார்.

எனினும் இந்த தேர்வுக்கு ஜனாதிபதி மொஹமட் முர்சி அங்கீகாரம்
அளிக்க வேண்டும். இதில் தலைமை முப்தி பதவிக்கு ஆளும் முஸ்லிம் சகோதரத்துவ அமைப்பு
தமது பிரதிநிதியை போட்டியிடச் செய்தபோதும் அவர் தேர்வாகவில்லை.

நன்றி தினகரன்