ஒலிம்பிக் போட்டியில் இருந்து மல்யுத்த போட்டியை நீக்க முடிவு

ஒலிம்பிக் போட்டியில் இருந்து
மல்யுத்த போட்டியை நீக்க முடிவு



2020 ஆம் ஆண்டு நடைபெறவுள்ள ஒலிம்பிக் போட்டியில் இருந்து மல் யுத்தத்தை நீக்க
சர்வதேச ஒலிம்பிக் கமிட்டி தீர்மானித்துள்ளதாக தகவல்கள் வெளியாகியுள்ளன.
சுவிட்சர்லாந்தில் நேற்று முன்தினம் சர்வதேச ஒலிம்பிக் கமிட்டி செயற்குழு கூட்டம்
நடைபெற்றது.
இக்கூட்டத்தில் நடப்பு ஒலிம்பிக் அட்டவணையில் உள்ள 26 விளையாட்டுக்கள் ஆய்வு
செய்யப்பட்டன. அப்போது மல் யுத்தத்தை நீக்கிவிட்டு வாள் வீச்சு, குதிரை சவாரி,
நீச்சல், ஒட்டப்பந்தயம், துப்பாக்கி சுடுதல் ஆகியவற்றை உள்ளிடக்கிய நவீன பென்டத்லான்
போட்டிகளை சேர்க்க முடிவு செய்திருப்பதாக கூறப்படுகிறது.
ஆனால் இந்த முடிவு அதிகாரபூர்வமாக இன்னும் அறிவிக்கப்படவில்லை. ஒலிம்பிக் போட்டியில்
இருந்து ஏதாவது ஒரு விளையாட்டை நீக்கினால்தான், ஒரு புதிய விளையாட்டை சேர்க்க
முடியும்.
பிரதான விளையாட்டில் இருந்து மல்யுத்தம் நீக்கப்படுவதால் 2020 ஆம் ஆண்டு ஒலிம்பிக்
போட்டியில் பேஸ்போல் - சொப்ட்போல், கராத்தே, ஸ்குவாஷ், ஸ்கேட்டிங் விளையாட்டுகள்,
மலையேற்றம், நீர்ச்சறுக்கு, வூஷ¥ ஆகிய 7 மற்ற விளையாட்டுகளுடன் மல்யுத்தம் இணையும்.
சர்வதேச ஒலிம்பிக் கமிட்டியின் இந்த முடிவு மே மாதம் ரஷ்யாவில் நடைபெறவுள்ள
செயற்குழு கூட்டத்தில் உறுதி செய்யப்பட்டு பரிந்துரைக்கப்படும்.
அதன் பின்னர் ஆர்ஜென்டினாவில் செப்டெம்பர் மாதம் நடைபெறும் சர்வதேச ஒலிம்பிக்
கமிட்டி பொதுச்சபையில் இறுதி வாக்கெடுப்பு நடத்தப்படும்.
கடைசியாக 2005 ஆம் ஆண்டு பேஸ்போல் - சாப்ட்போல் விளையாட்டு நீக்கப்பட்டது. ரியோ டி
ஜெனிரோவில் 2016 இல் நடைபெறும் ஒலிம்பிக்கில் கொல்ப், ரக்பி ஆகிய விளையாட்டுக்கள்
சேர்க்கப்படுகின்றன.
நன்றி தினகரன்