காமக்கொடூரர்களின் பிடியில் இருந்து விடுபட 17 வயது வாலிபரை மாணவி காதலித்தார்: விசாரணையில் திடுக் தகவல

by *சம்ஸ் Sun 17 Feb 2013 - 7:43

கோவை, பிப். 17-

கோவை ராமநாதபுரத்தை சேர்ந்த 13 வயது சிறுமி ரேவதி (பெயர்
மாற்றப்பட்டுள்ளது). இவர் அந்த பகுதியில் உள்ள பள்ளியில் 9-ம் வகுப்பு
படித்து வருகிறார்.

ரேவதியின் தந்தை ஊனமுற்றவர். தாயார் வேறு ஒருவரை திருமணம் செய்துகொண்டதாக
தெரிகிறது. ரேவதியை அவரது மாமா கோபாலகிருஷ்ணன் (55) தனது வீட்டில் தங்க
வைத்து படிக்க வைத்தார்.

கடந்த ஆண்டு ஏப்ரல் மாதம் 29-ந் தேதி ரேவதிக்கு வயிற்று வலி ஏற்பட்டது.
உடனே கோபாலகிருஷ்ணன் ரேவதியை ராமநாதபுரம் ராமலிங்க ஜோதி நகரில் உள்ள ஓய்வு
பெற்ற மருத்துவ ஊழியர் பாலு (70) என்பவர் வீட்டுக்கு அழைத்துச் சென்றார்.
அங்கு மாணவிக்கு மயக்க ஊசி போட்டு 2 பேரும் ரேவதியின் கற்பை சூறையாடினர்.
மயக்கம் தெளிந்த மாணவியிடம் நடந்த சம்பவத்தை யாரிடமும் சொல்லக்கூடாது என்று
எச்சரித்தனர்.

சம்பவம் நடந்த சில நாட்களுக்கு பின்னர் கோபாலகிருஷ்ணன் பொள்ளாச்சியில்
உள்ள தனது உறவினரான கருப்பசாமி என்பவரது தென்னந்தோப்புக்கு ரேவதியை
அழைத்துச் சென்றார். அங்கு கோபாலகிருஷ்ணனும், கருப்பசாமியும் சேர்ந்து
ரேவதியை நாசப்படுத்தினர்.

கோவைக்கு வந்த பின்னர் கோபாலகிருஷ்ணனின் நண்பரான ராகம் கருப்பசாமியும்
ரேவதியை பாலியல் பலாத்காரம் செய்தார்.
இந்த நிலையில் காம கொடூரர்களின் பிடியில் சிக்கித்தவித்த ரேவதிக்கும் அதே
பகுதியை சேர்ந்த 17 வயது வாலிபர் கார்த்திக் என்பவருக்கும் காதல்
மலர்ந்தது.

அப்போது ரேவதி தனக்கு ஏற்பட்ட அவலங்களை கார்த்திக்கிடம் கூறினார். அதற்கு
கார்த்திக் நாம் இருவரும் வெளியூருக்கு சென்று திருமணம் செய்து கொள்ளலாம்
என்று கூறி இருக்கிறார்.
கார்த்திக்குடன் சென்று விட்டால் காமக்கொடூரர்களின் பிடியில் இருந்து தப்பி
விடலாம் என நினைத்த ரேவதி சம்மதம் தெரிவித்தார்.

அதன்படி இருவரும் கடந்த வாரம் சத்தியமங்கலம் சென்று லாட்ஜில் தங்கினர்.
அங்கு ரேவதியின் சம்மதத்துடன் கார்த்திக் உல்லாசமாக இருந்துள்ளார்.
இந்த நிலையில் பள்ளிக்கு சென்ற சிறுமி வீடு திரும்பவில்லை என ராமநாதபுரம் போலீசில் புகார் செய்யப்பட்டது.

ரேவதியும் கார்த்திக்கும் சத்தியமங்கலத்தில் இருப்பதை அறிந்த உறவினர்கள் அங்கு சென்று இருவரையும் அழைத்து வந்தனர்.
அதன் பின்னரும் கோபாலகிருஷ்ணனின் தொந்தரவு தொடர்ந்ததால் ரேவதி போலீசில் புகார் செய்தார்.

ரேவதியின் வாக்குமூலம் அடிப்படையில் கோவை தெற்கு போலீஸ் உதவி கமிஷனர்
சந்திரமோகன், ராமநாதபுரம் இன்ஸ்பெக்டர் வெங்கட்ராமன் ஆகியோர் தலைமையிலான
தனிப்படை போலீசார் 5 பேரையும் கைது செய்தனர். மாணவியின் விருப்பத்துடன்
கார்த்திக் உல்லாமாக இருந்தாலும் மாணவி மைனர் என்பதால் கார்த்திக் மீது
கற்பழிப்பு வழக்கு பதிவு செய்யப்பட்டுள்ளது.

பாதிக்கப்பட்ட ரேவதி 13 வயது சிறுமி என்பதால் இந்த வழக்கு கோவை ராமநாதபுரம்
அனைத்து மகளிர் போலீஸ் விசாரணைக்கு மாற்றப்பட்டது. இன்ஸ்பெக்டர் முனிரா
பேகம் தொடர்ந்து விசாரணை நடத்தி வருகிறார்.
கைதானவர்கள் மீது கற்பழிப்பு, கூட்டாக சேர்ந்து கற்பழித்தல், பெண்களுக்கு
எதிரான பாலியல் கொடுமை தடுப்பு ஆகிய பிரிவுகளில் வழக்கு பதிவு
செய்யப்பட்டுள்ளது.

கைதான 5 பேரில் கார்த்திக் தவிர மற்ற 4 பேரும் கோவை மத்திய சிறையில் அடைக்கப்பட்டனர்.
கார்த்திக் மைனர் என்பதால் அவரை கோவை லட்சுமி மில் சிக்னல் அருகே உள்ள சிறுவர் கூர்நோக்கு இல்லத்தில் ஒப்படைத்தனர்.