ஜனாதிபதி இன்று கல்வி அமைச்சுக்கு விஜயம்; செயற்பாடுகளை நேரில் ஆராய்வு

ஜனாதிபதி இன்று கல்வி அமைச்சுக்கு விஜயம்; செயற்பாடுகளை நேரில் ஆராய்வு

மக்களின் நலனுக்காக ஒவ்வொரு அமைச்சுக்களினூடாகவும் முன்னெடுக்கப் படும் திட்டங்கள் குறித்து ஜனாதிபதி மஹிந்த ராஜபக்ஷ இன்று முதல் ஒவ்வொரு அமைச்சிற்கும் நேரில் சென்று மீளாய்வு செய்கிறார். இதன்படி, முதன் முதலில் பத்தரமுல்ல, இசுருபாயவில் அமைந்துள்ள கல்வி அமைச்சிற்கு ஜனாதிபதி நேரில் சென்று கல்வி அமைச்சின் நடவடிக்கைகள் குறித்து ஆராய உள்ளார். நிறைவேற்று ஜனாதிபதி முறை அறிமுகப்படுத்தப்பட்ட நாளில் இருந்து இன்று வரையான காலப்பகுதியில் முதற் தடவையாகவே ஜனாதிபதி ஒருவர் அமைச்சு ஒன்றிற்கு நேரில் சென்று மீளாய்வு செய்கிறார்.மஹிந்த சிந்தனை தொலைநோக்கு திட்டத்தில் உறுதியளித்ததற்கமையவே ஜனாதிபதி இன்று கல்வி அமைச்சிற்கு நேரில் சென்று கல்வி அமைச்சினூடாக மக்களுக்கு வழங்கப்படும் சேவைகள் குறித்து நேரில் ஆராய்வதாக ஜனாதிபதி செயலகம் கூறியது.

மஹிந்த சிந்தனை தொலைநோக்கு திட்டத்தின் கீழ் முன்னெடுக்கப்படும் அபிவிருத்திகள் குறித்து மாகாண மட்டத்திலும் மாவட்ட மட்டத்திலும் மீளாய்வு கூட்டங்களை ஜனாதிபதி நடத்திவந்தார். முதற்தடவையாக ஒவ்வொரு அமைச்சினூடாகவும் மேற்கொள்ளப்படும் அபிவிருத்தித் திட்டங்கள் குறித்தும் அதில் காணப்படும் குறைகள், பிரச்சினைகள் குறித்தும் ஆராய நடவடிக்கை எடுக்கப்பட்டுள்ளது.

தினகரன்