கோமுக ஆசனம்

கோ என்றால் பசு என்று பொருள். இந்த ஆசனத்தின் அமைப்பு பசு முகத்தைப் போன்று தோன்றுவதால் கோமுக ஆசனம் என்று பெயர் வந்து இருக்கிறது. முதலில் 2 கால்களையும் நீட்டி உட்கார்ந்து கொண்டு இடது காலை மடக்கி இடது காலில் குதிங்கால் மீது உட்கார்ந்து கொள்ள வேண்டும்.

பின்னர் வலது காலை மடக்கி இடதுபுறமாக தரையில் படுமாறு வைப்பது முக்கியம். இப்போது படத்தில் உள்ளது போன்று 2 மூட்டுகளும் ஒன்றின் மேல் ஒன்றாக வரும். பின்னர் இடது கையை முதுகு பின்புறமாக வளைத்துக் கொண்டு வர வேண்டும்.

பின்பு வலது கையை கொண்டு சென்று இடது உள்ளங்கையை அழுத்திப் பிடிப்பது முக்கியம். இந்த நிலையில் மெதுவாக குனிந்து தலைப்பகுதியானது முதலில் மூட்டுப் பகுதியை தொட முயற்ச்சிக்க வேண்டும். அதன் பின்னர் தலையை படிப்படியாக கொண்டு வந்து தரையை தொடுவதற்கும் முயற்சி செய்யலாம்.

மூட்டுப் பகுதியை தொட்டு பயிற்சி எடுத்த பின்னர் தரையை தொட முயற்சிப்பது நல்லது. கோமுக ஆசனம் செய்யும் போது மூச்சு சாதாரண நிலையில் இருக்க வேண்டும். செய்து முடித்த பின்னர் ஆழ்ந்து சுவாசிக்கலாம்.

10 முதல் 20 வினாடிகள் வரை இந்த ஆசனத்தை செய்யலாம் கோபத்தை குறைக்கவும். மனதுக்கு அமைதி கிடைக்கவும் இந்த ஆசனப் பயிற்சி உதவுகிறது. முகத்திற்கு பொலிவை அளிக்கிறது. வயிறு சம்பந்தப்பட்ட நோயை குணமாக்கவும் பயன் தருகிறது.

://:-: