33 வருடங்களுக்கு முன் காணாமல் போன சோவியத் வீரர் கண்டுபிடிக்கப்பட்டுள்ளார்.

33
வருடங்களுக்கு முன் காணாமல் போன சோவியத் வீரர் கண்டுபிடிக்கப்பட்டுள்ளார் -
இவர் இப்போது இஸ்லாமியனாக வாழ்வதும் குறிப்பிடத்தக்கது
============================

1980ம் ஆண்டு ஆப்கானிஸ்தான் மீதான சோவியத் ஆக்கிரமிப்பின் போது
காயப்பட்டு, காணாமல் போன சோவியத் வீரர் ஒருவர் 33 வருடங்கள் கழிந்த
நிலையில் உள்ளூர் மக்களுடன் கலந்து வாழ்வது கண்டறியப்பட்டுள்ளது.


யுத்தத்தில் காயப்பட்ட நிலையில் உள்ளூர்வாசிகளால் காப்பாற்றப்பட்ட அவர்
அதனைத் தொடர்ந்து ஆப்கான் மேற்கு மாகாணத்தில் அமைந்துள்ள ஹெரத்திலேயே தங்கி
வாழ்ந்ததோடு தனது பெயரையும் ஷேய்க் அப்துல்லாஹ் என மாற்றிக்கொண்டுள்ளார்.

இப்பிரதேசத்தில் மூலிகை மருத்துவப் பயிற்சியில் ஈடுபட்டு வரும் இவரின்
உண்மையான பெயர் Bakhretdin Khakimov என்பதாகும். உஸ்பேக்கிய இனத்தவரான இவர்
ஆப்கானில் திருமணம் முடித்து இயல்பாக வாழ்ந்து வந்திருக்கின்றார்.

இக்கால கட்டத்தில் மொத்தமாக 264 பேர் காணாமல் போனதாகவும் அதில் 29 பேர்
ஏற்கனவே கண்டுபிடிக்கப்பட்டிருந்த போதும் 7 பேர் ஆப்கானிஸ்தானிலேயே
வாழ்க்கையைத் தொடர்வதாகவும் காணாமல் போனோர் தொடர்பான தேடுதல் நடவடிக்கையில்
ஈடுபட்ட ரஷ்ய இராணுவக் குழு தெரிவித்துள்ளது.