நான்கு வருடங்களுக்கு முன் காணாமற்போன சிறுமியை தேடி அலையும் பெற்றோர்

by **sadir** Sat 7 May 2011 - 12:15

கடந்த நான்கு ஆண்டுகளுக்கு முன்னர் போர்ச்சுக்கல் நாட்டிற்கு விடுமுறை சுற்றுலா சென்ற போது சிறிய மகள் மேடலின் மாயமானார்.
இவர் பெரும்பாலும் கடத்திச் செல்லப்பட்டிருக்கலாம் என்றே அஞ்சப்படுகின்றது. இவர் மீண்டும் தங்களுக்குக் கிடைப்பார் என்ற உறுதியான நம்பிக்கையொடு பெற்றோரான தாய் கேட் மற்றும் தந்தை கெரி ஆகியோர் மனம் தளராது பல வழிகளிலும் தேடி வருகின்றனர்.

இந்தச் சிறுமியை தேடும் முயற்சியாக இவரின் பல படங்களையும் குறிப்புக்களையும் அடங்கிய புத்தகம் ஒன்றையும் பெற்றோர் வெளியிட்டுள்ளனர்.
இப்போதைக்கு உலகில் வாசிப்பவர்களின் நெஞ்சத்தை உருகச் செய்யும் ஒரு நூல் இதுவாகத்தான் இருக்க முடியும் என்று தெரிவிக்கப்பட்டுள்ளது.

மெடலின் என்ற பெயரிலேயே சிறுமியின் படத்தை அட்டையில் தாங்கி இந்த நூல் வெளிவந்துள்ளது.