ராமர் கோவில் கட்ட பிச்சைக்கார மூதாட்டி கொடுத்த ரூ.1 லட்சம் நன்கொடை

by *சம்ஸ் Thu 7 Mar 2013 - 7:22

புனே, மார்ச்.7-

மராட்டிய மாநிலத்தில் 85 வயது பிச்சைக்கார மூதாட்டி ஒருவர், கோவில் கட்டுவதற்கு ரூ.1 லட்சம் பணத்தை நன்கொடையாக கொடுத்து அனைவரையும் ஆச்சரியப்பட வைத்துள்ளார்.

புனேயில் இருந்து 75 கிலோ மீட்டர் தொலைவில் உள்ள பிம்பள்கான் என்ற கிராமத்தில் பொதுமக்கள் ராமர் கோவில் கட்ட முடிவு செய்தனர். இதற்காக நிதி திரட்டுவதற்காக ஊர் மக்கள் ஆலோசனை நடத்தினர். அப்போது அங்கு வந்த லட்சுமி என்ற பிச்சைக்கார மூதாட்டி தானும் கோவில் கட்ட நன்கொடை தருவதாக கூறினார்.

அவரை ஏளனமாக பார்த்த பொதுமக்கள், 100 ரூபாயோ, 200 ரூபாயோ கொடுத்து விட்டு போ என்று கூறினர். ஆனால் அவர் ரூ.1 லட்சம் நன்கொடை கொடுத்து அனைவரையும் ஆச்சரியப்பட வைத்தார்.

கணவர் இறந்ததில் இருந்து கடந்த 15 ஆண்டுகளாக பிச்சை எடுத்து வந்த அவர், பிச்சையாக கிடைக்கும் பணத்தை வங்கியில் சேமித்து வந்துள்ளார். அந்த பணத்தை கோவிலுக்கு வழங்கினார்.

நன்கொடை வழங்கிய லட்சுமிக்கு நன்றி தெரிவிக்கும் வகையில், கோவிலில் அவரது பெயருடன் பெரிய பலகை வைக்கவும், கடைசி வரை அவரை கவனித்துக்கொள்ளவும் பொதுமக்கள் முடிவு செய்துள்ளனர்.

by **பானுஷபானா** Thu 7 Mar 2013 - 12:09

அட சூப்பர் :!+:

by *சம்ஸ் Thu 7 Mar 2013 - 12:21

பானுகமால் wrote:அட சூப்பர் :!+:

பாட்டி வீட்ல வைக்க கூடாதுன்னு கோவிலுக்கு கொடுத்திட! @.

by **rammalar** Thu 7 Mar 2013 - 12:34

அந்த பிச்சைக்கார மூதாட்டிக்கு பொதுமக்கள்
காட்டிய நன்றி மகத்தானது...
-
தமிழ் நாட்டில் ஒரு சம்பவம்:
-

----------------------------------------
மறைந்த நடிகை விஜியின் தந்தை, தன் மகள் இறந்த
சோகத்தினால்
திருவண்ணாமலையில் மன அமைதிக்காக வந்து தங்கினார்....
பின்னர் தன் சொத்துக்களை விற்று, ஒரு இலவச திருமண
மண்டபத்தை, அங்கு கட்டினார்.

அதனை கோயில் நிரவாகம் எடுத்துக்கொள்ளக் கோரினார்.
அதில் தான் தங்கிக்கொள்ள மட்டும் அனுமதி கோரினார்
-
அந்த மண்டபத்தை கோயில் நிர்வாகம் பொருப்பில் எடுத்துக்
கொண்டது, ஆனால் அவர் தங்க அனுமதிக்கவில்லை....
-
இதுதான் இங்கு சேவை மனப்பான்மை உள்ளவர்களுக்கு
கிடைக்கும் வெகுமதி,,,