குளியலறையை அலங்கரிக்க ஈஸியான சூப்பர் ஐடியா

வீட்டை அலங்கரிக்கும் போது வீட்டில் இருக்கும் குளியலறையையும் அலங்கரிப்போம். குளியலறை இருக்கும் பொருட்களான துண்டு, சோப்பு, கண்ணாடி, மேட் போன்றவற்றை பிடித்தவாறு வைத்தால், குளிக்க செல்லும் நமக்கு ஆசையாக இருப்பதோடு, ஒவ்வொரு முறையும் உள்ளே செல்லும் போதும் நிம்மதியும் சந்தோஷமும் இருக்கும். மேலும் அவ்வாறு அலங்கரிக்கும் போது, யார் வந்து பார்த்தாலும் உங்களது சுத்தமும், ரசனையும், ஆரோக்கியமும் தெரியுமளவு அலங்கரிக்க வேண்டும். அது எப்படி...

குளியலறையில் புதிய துண்டு மற்றும் திரைச்சீலைகளை வாங்கி அலங்கரிக்கலாம். அவ்வாறு வாங்கும் போது கண்ணுக்கு குளிர்ச்சியான கலரை பார்த்து வாங்க வேண்டும். அதுவும் அவை குளியலறையில் அடித்திருக்கும் பெயிண்ட் கலரில் இருந்தால் இன்னும் அழகாக இருக்கும். மேலும் அந்த துண்டுகளை கைக்கழுவும் இடத்திற்கு பக்கத்தில் ஒரு கம்பியை அமைத்து அதில் தொங்க விடலாம்.

கண்ணாடி கண்டிப்பாக குளியலறையில் இருக்கும். அந்த கண்ணாடி அழகாக இருக்க, கடைகளில் விற்கும் க்ளே வாங்கி, அதனை பூக்கள் போல செய்து, காய வைத்து, பின் அதில் பெயிண்ட் அடித்து அதன் முன் வைக்கலாம். மேலும் கண்ணாடியின் முனைகளில் க்ளேகளை நன்கு தடிமனாக சுருட்டி ஒட்டலாம். இது குளியலறையில் இருக்கும் கண்ணாடியை அலங்கரிக்க ஒரு சிறந்த ஈஸியான வழியாகும்.

சுத்தமான குளியலறையில் எப்போதும் ஒரு நல்ல வாசனை வந்தால் சந்தோஷமாக இருக்கும். ஆகவே அங்கு பூ ஜாடியை வைக்கலாம். அதுவும் அந்த ஜாடியை கைக்கழுவும் வாஷ் பேஷன் பக்கத்தில் வைத்து, தினமும் நல்ல வாசனையுள்ள அழகான மலர்களை வைத்து பராமரிக்கலாம். அவ்வாறு செய்வது கொஞ்சம் அல்ல, நிறையவே கடினம் தான், ஆகவே அதில் கடைகளில் விற்கும் பிளாஸ்டிக் மலர்களை வைக்கலாம்.

இதனால் குளியலறை அழகாக காட்சியளிக்கும்.முக்கியமாக வாசனை சோப்புகள் அல்லது மெழுகுவர்த்தியை வாங்கி வைக்கலாம். இது எளிமையான ஐடியா. ஆகவே கடைகளில் விற்கும் வாசனை சோப்புகள் அல்லது மெழுகுவர்த்தியை வாங்கி வாஷ் பேஷின் பக்கத்தில் வைக்கலாம். இதனால் குளியலறை நல்ல மணத்துடனும் இருக்கும்.

ஐடியா... :];: