2 ஜி ஸ்பெக்ட்ரம் இரண்டாம் கட்ட ஏலம்: மத்திய அரசுக்கு ரூ. 3600 கோடி வருவாய்

by **நண்பன்** Wed 13 Mar 2013 - 9:16

2ஜி ஸ்பெக்ட்ரம் உரி மத்துக்கான இரண்டாம் கட்ட ஏலம் ஞாயிறன்று நடத்தப்படுகின்றதன் மூலம் மத்திய அரசுக்கு 3639 கோடி ரூபாய் கிடைக்கும் என தகவல் வெளியாகியுள்ளது. மும்பை, உ.பி. கிழக்கு பகுதி ஆகிய மண்டலங் களுக்கான ஏலத்துக்கு, யாருமே விண்ணப்பிக்காதது ஆச்சரியத்தை ஏற்படுத்தி யுள்ளது.

2 ஜி ஸ்பெக்ட்ரம் உரிமம் வழங்கியதில் முறைகேடு நடந்த தாக குற்றச்சாட்டு எழுந்ததை அடுத்து தொலை தொடர்பு நிறுவனங்களுக்கு வழங்கப்பட்ட 122 உரிமங்களை உச்ச நீதிமன்றம் ரத்துச் செய்தது. ரத்துச் செய்யப்பட்ட உரிமங்களுக்கு பதிலாக புதிய உரிமங்கள் வழங்குவதற்கு மறு ஏலம் நடத்தும்படியும் உச்ச நீதிமன்றம் உத்தரவிட்டது. இதன்படி ஜி. எஸ். எம்., தொழில் நுட்பத்துக்கான சேவையை வழங்குவதற்கு, கடந்தாண்டு நவம்பரில் ஏலம் விடப்பட்டது. இதில் அரசு எதிர்பார்த்த வருவாயை விட மிக குறை வாக 9407 கோடி ரூபாய் மட்டுமே கிடைத்தது.

அதே நேரத்தில் சி.டி.எம்.ஏ. தொழில் நுட்பத்துக்கான சேவையை வழங்கும் ஏலத்துக்கான அடிப்படை விலை, அதிக மாக நிர்ணயிக்கப்பட்டுள்ளதாக கூறி அந்த ஏலத்தில் எந்த நிறுவனமும் பங்கேற்க வில்லை. இதையடுத்து ஏற்கனவே நிர்ணயிக்கப்பட்ட ஏல தொகையை விட 50 சதவீதம் குறைவாக ஏல தொகை நிர்ணயிக் கப்பட்டது. இதற் கான ஏலம், நடந்தது ஏல தொகை கணிச மாக குறைக்கப்பட்ட போதும் ரஷ்யாவைச் சேர்ந்த சிஸ்டெமா எஸ்.எஸ்.எஸ்.டி.எல். நிறுவனம் மட்டுமே ஏலத்தில் பங்கேற்றது. நான்கு மணி நேரம் நடந்த இந்த ஏலத் தில் சிஸ்டெமா நிறுவனம், எட்டு மண்ட லங்களுக்கு சேவை வழங்குவதற்கான ஏலத்தை எடுத்ததாகவும், இதன் மூலம் அரசுக்கு 3639 கோடி ரூபாய் கிடைக்கும் என்றும், தொலைத் தொடர்புத்துறை வட்டாரங்கள் தெரிவித்தன.

இதை தவிர வேறு எந்த விதமான கூடுதல் கட்டணமும், அரசுக்கு கிடைக்க வில்லை. அதேநேரத்தில், மும்பை, மகாராஷ்டிரா (மும்பை, மகாராஷ்டிரா மாநில தலை நகராக இருந்தாலும், தொலைத் தொடர்பு துறையை பொறுத்த வரை, மும்பையும், மகாராஷ்டிராவும் தனித் தனி மண்டலங்களாக பிரிக்கப் பட்டுள்ளன) உ.பி.யின் கிழக்கு பகுதி ஆகிய மண்டலங்களுக்கு சேவை வழங்கு வதற்கு எந்த நிறுவனமுமே ஏலம் கேட்கவில்லை.