லண்டனில் ஒரு கோடி ரூபாய்க்கு ஏலம் போன மகாத்மாவின் ‘ராட்டை’

லண்டனில் ஒரு கோடி ரூபாய்க்கு ஏலம் போன மகாத்மாவின் ‘ராட்டை’
காந்திஜி பயன்படுத்திய ராட்டை சுமார் ஒரு கோடி ரூபாய்க்கு ஏலம் போயுள்ளது. இந்தியாவின் சுதந்திரத்திற்காக அஹிம்சா வழியில் போராடிய மகாத்மா காந்தி, பொதுவாக தனது ஆடைகளுக்கான துணியை தானே சொந்த ராட்டையில் நூலாக திரித்து பின் துணியாக நெய்து, தைத்து உடுத்துவது வழக்கம்.

சுதந்திரப் போராட்ட காலத்தில் சிறையில் தனது நேரத்தை எல்லாம் நூல் நூற்பதற்கும், புத்தகங்கள் படிப்பதற்குமாகவே பயன்படுத்தினார். தேசப் பிதா காந்திஜி பயன்படுத்திய பொருட்களை எல்லாம் ஏலத்தில் விட்டு லண்டன் ஏல நிறுவனம் அதிக பணம் சம்பாதித்துள்ளது.

வெள்ளையர் ஆட்சிகாலத்தின்போது புனே நகரில் உள்ள எர்வாடர் சிறையில் காந்தி அடைக்கப்பட்டிருந்தபோது, அவர் பயன்படுத்திய மடிக்கக்கூடிய ராட்டையை லண்டனில் உள்ள முல்லாக் ஏல நிறுவனம் நேற்று முன்தினம் ஏலத்தில் விட்டது. எதிர்பார்த்ததை விட இருமடங்கு அதிகமாக ஒரு இலட்சத்து 10 ஆயிரம் பவுண்டுகளுக்கு (இந்திய மதிப்பில் சுமார் 1 கோடியே 8 இலட்சத் துக்கு) அது ஏலம் போனது.

வெள்ளையர் ஆட்சியின்போது அடிமைப்பட்டிருந்த இந்தியாவில் மக்களின் நலனுக்காக பாடுபட்ட அமெரிக்க பாதிரியார் ரெவரெண்ட் ஃபலாயிட் ஏ பஃபர்ட் என்பவருக்கு மகாத்மா இந்த ராட்டையை அன்பளிப்பாக வழங்கி இருந்தது குறிப்பிடத்தக்கது. ராட்டையுடன் காந்தி தன் கைப்பட எழுதிய இறுதி உயில், கடிதங்கள், புகைப்படங்கள், புத்தகங்கள் என அவரது வாழ்க்கையோடு தொடர்புடைய 60 பழங்கால பொருட்களும் ஏலம் விடப்பட்டன.

தகவலுக்கு நன்றி அண்ணா